Sunday, January 31, 2010

Lasith Malinga's Love

By: Last Man On: 11:52 AM

Saturday, January 30, 2010

Sanga's Twins

By: Last Man On: 3:41 PM


පාර්ලිමේන්තුව විසුරුවා හැරේ

By: Last Man On: 1:14 PM
(කොළඹ, ලංකාපුවත්, ජනවාරි 29) – පෙබරවාරී මාසයේ මුලදී ජනාධිපති මහින්ද රාජපක‍ෂ මහතා විසින් පාර්ලිමේන්තුව බොහෝ දුරට විසුරුවා හරිනු ඇතැයි වාර්තාවේ.

රජයේ ආරංචි මාර්ග සඳහන් කරනුයේ පෙබරවාරි 04 වැනිදාට යෙදෙන ජාතික නිදහස් දින උත්සවයෙන් පසුව මෙසේ පාර්ලිමේන්තුව විසුරුවා හැරීමට ඉඩ ඇත.

ලබන අප්‍රේල් 02 වැනිදිනේ වත්මන් පාර්ලිමේන්තුවේ නිල කාලය අවසන් වීමට නියමිතයි. එබැවින් ඉදිරි මාස තුන ඇතුළත මහ මැතිවරණයක් පැවැත්වීම ව්‍යවස්ථානුකූලව සිදුවිය යුතු බව දේශපාලන විචාරකයන් සඳහන් කරති.

මේ අතර ශ්‍රී ලංකා නිදහස් පක‍ෂයේ මහලේකම් අමාත්‍ය මෛත්‍රීපාල සිරිසේන මහතා ඊයේ(28) කොළඹ පැවති මාධ්‍ය හමුවකදී සඳහන් කර සිටියේ තවත් සති කිහිපයකින් මහ මැතිවරණයකට රජය සූදානම් වන බවය.

Friday, January 29, 2010

ලසිත් - ටානියා යුවළට සුබ මංගලම්!

By: Last Man On: 4:16 PM

ලසිත් - ටානියා යුවළට සුබ මංගලම්!

ශ්‍රී ලංකා මාතාව ජාත්‍යන්තර ක්‍රිකට් ක්‍ෂෙත්‍රයට තිළිණ කළ සුපිරි පන්දු යවන්නකු වූ ලසිත් මාලිංග පසුගිය 22 වැනිදා යුග දිවියට ඇතුළත් වුණා.

ලසිත් ගේ අතගත් වාසනාවන්තිය වූයේ ටානියා මිනෝලි පෙරේරා මෙනෙවියයි.

ලසිත් දකුණේ වෙළෙඳ ව්‍යාපාරිකයකු වන වරුසවිතාන භද්‍රසෝම සහ ආර්.ජී. නම්මි පත්මා යුවළගේ වැඩිමහලු දරුවා. ටානියා ඇමරිකාවේ ව්‍යාපාර කටයුතු කරන ලලිත් පෙරේරා සහ කාන්ති පෙරේරා යුවළගේ දියණියක්.

ලසිත්ට ටානියා මුණ ගැසී ඇත්තේ ඔහු සහභාගි වූ උත්සවයකදී. ඉන්පසු දැන හඳුනාගත් ඔවුන් පෙම්වතුන් බවට පත්වුණා. වසර දෙකහමාරක පමණ කාලයක් ආදරයෙන් කල් ගෙවූ ඔවුන් මවුපියන්ගේ ආශීර්වාදය මැද එකම කැදැල්ලකට කූඩු වුණා.

කොළඹ වෝටර්ස් එජ් හෝටලයේ පැවැති මේ විවාහ මංගල උත්සවයට වත්මන් ශ්‍රී ලංකා ක්‍රිකට් කණ්ඩායමේ නායකයා ඇතුළු ක්‍රිකට් ක්‍රීඩකයින් රැසක්ම සහභාගි වුණා.

ජනපතිතුමා සමඟ මනාල යුවළ සහ පිරිස

දකුණු ප්‍රදේශයෙන් බිහිවුණු ක්‍රිකට් ක්‍රීඩකයකු වන ලසිත් සිය මනාලිය ටානියා සමඟ මහින්ද රාජපක්‍ෂ ජනාධිපති තුªªමාගෙත් ආශීර්වාද ලබා ගන්නට ද අමතක කළේ නැහැ.

රූපලාවණ්‍ය ශිල්පී ධනංජය බණ්ඩාර විසින් ටානියා හැඩගන්වා තිබුණු අතර, වැල්ලවත්තේ සාරි මන්දීර් හි සනත් රණවීර විසින් ටානියාගේ මංගල සාරිය ධනංජයගේ උපදෙස් අනුව නිර්මාණය කර තිබුණා.

ඇත් දළ පැහැති නෙට් සාරිය බ්‍රොකේඩ් ක්‍රමයට සකස් කර, ගෝල්ඩ් සහ සිල්වර් වර්ක් කර ගල් අල්ලා විශේෂයෙන් නිර්මාණය කර තිබුණේ ඉන්දියාවට යැවීමෙන්.

ටානියගේ යෙහෙළියන් වූයේ යානා විජේතුංග සහ හෂිනි ජාසිං ආරච්චි. ඔවුන්ගේ් පීච් වර්ණ සාරියට පබළු වැඩ දමා එක් කොටසක් ඇත් දළ පැහැය එන ලෙස නිර්මාණය කර තිබුණේ ඒවා මනාලියගේ සාරිය හා ගැළපෙන ලෙසයි.

මල් කළඹ සහ උත්සව ශාලාවේ මල් සැරසිලි සෙකන්ඩ් චාන්ස් වෙතින් නිර්මාණය කර තිබූ අතර, සෙටි බෑක් එක නිර්මාණය කිරීමේදී විකට්ටුවක ආකෘතියක් ආකාරයට සකස් කර තිබුණා. ලසිත්ගේ ඇඳුම් ඉම්තියාස් විසින් නිර්මාණය කර තිබූ අතර මනාලයාගේ යහළුවන් වූයේ ඇන්ජලෝ මැතිව්ස් සහ චාමර කපුගෙදරයි.

දිවිමඟ අලෝක කිරීමට මංගල පහන් සිළුව දල්වමින්...

ශ්‍රී ලංකා ක්‍රිකට් නායක කුමා සංගක්කාර සමඟ

දිල්හාර ප්‍රනාන්දු සුබ පැතීමට ආ මොහොත

සුබ පැතීමට ආ නුවන් සොයිසා සහ මහේල

Thursday, January 28, 2010

පහර දුන්නොත් පහර දෙනවා - ප්‍රතිඵල බාරගැනීමට සූදානම් නෑ -සරත් ෆොන්සේකා

By: Last Man On: 5:54 AM
තමන් ඉවතට පැමිණෙන මොහොතක කිසියම් ප්‍රහාරයක් එල්ලවූවහොත් ඊට එරෙහිව තමන්ටද අවි ආයුධ පාවිච්චි කිරීමට සිදුවන බව, නව ප්‍රජාතන්ත්‍රවාදී පෙරමුණේ ජනාධිපති අපේක්ෂක සරත් ෆොන්සේකා මහතා ප්‍රකාශ කෙළේය.

එවැන්නක් සිදු නොවුණහොත් සියලු දේ පවරාදී බාරවීමට කටයුතු කරන බවත් වඩාත් උචිත තීරණය තමන් එම මොහොතේ ගන්නා බවත් හෙතෙම කීය.
කොළඹ සිනමන් ලේක් හෝටලයේ ඊයේ (27) පැවැති පුවත්පත් සාකච්ඡාවේදී හෙතෙම එසේ කීය.

මැතිවරණය සාමකාමී වුවත් ඉන් ලැබූ ප්‍රතිඵල බාරගැනීමට සූදානම් නැති බව පවසන ෆොන්සේකා මහතා ප්‍රතිඵලවලට විරුද්ධව අධිකරණයට යන බවද කීය.

ෆොන්සේකා මහතාගේ ආරක්ශාව ඉවතට

By: Last Man On: 5:09 AM
ෆොන්සේකා මහතාට සපයා තිබූ 70 ක පමන බළ ඇණිය සහ වෙඩි නොවඩින රථ 5 අද සිට ඉවත් කර ඇත.

ශ්‍රේෂ්ඨාධිකරණය විසින් ජෙනරාල් සරත් ෆොන්සේකා මහතාට ආරක්ෂාව ලබා දෙන ලෙස දී තිබුණු නියෝගයට අදාල කාලපරිච්ඡේදය නිමා වී ඇති බව රාජ්‍ය පරිපාලන හා ස්වදේශ කටයුතු අමාත්‍ය ආචාර්ය සරත් අමුණුගම මහතා පවසයි.

ජෙනරාල් සරත් ෆොන්සේකා මහතාගේ ආරක්ෂාව ඉවත් කිරීමට පියවර ගෙන ඇතැයි පළ වන ප්‍රවෘත්ති සම්බන්ධයෙන් අද පැවති මාධ්‍ය හමුවකදී මාධ්‍යවේදියකු නැඟූ ප්‍රශ්නයකට පිළිතුරු දෙමින් ඇමතිවරයා මෙසේ සඳහන් කරන ලදී.

ජනාධිපතිවරණ සමයේ ඒ මහතාට විශේෂ ආරක්ෂාවක් ලබා දෙන ලෙස ‍ශ්‍රේෂ්ඨාධිකරණයෙන් නියෝග කරනු ලැබූ බව ද එකී නියෝගයට අනුව එතුමාට ප්‍රමාණවත් ආරක්ෂාවක් සලසා තිබුණු බවත් මේ වන විට ජනාධිපතිවරණයද නිමා වී ඇති බැවින් විශේෂ ආරක්ෂාවක් පිළිබඳ ප්‍රශ්නයක් මතු නොවන බවද හෙතෙම කියා සිටියේය.

එහෙත් ජෙනරාල් සරත් ෆොන්සේකා විසින් තමන්ට ආරක්ෂාව ලබා දෙන ලෙස යළි ඉල්ලා සිටිනු ලැබුවහොත් ඒ පිළිබඳ සලකා බලන්නට සූදානම් බව ද ඇමතිවරයා වැඩිදුරටත් සඳහන් කළේය.

ෆොන්සේකා අතුරුදහන්

By: Last Man On: 12:10 AM
චන්දය දින සිට සිනමන් ග්‍රන්ඩ් හෝටලයේ ලැගුම් ගෙන සිටි සරත් ෆොන්සේකා මහතා ඉන් පිටවී ගොස් ඇත. ඔහු අගිය අතක් කිසිවකු නොදනී. ඔහුගේ ආරක්ශාවට සිටි හමුදා කන්ඩායම් ද ඉවත් වී ගොස් ඇත.

හිටපු හමුදා මාණ්ඩලික ප්‍රධානී ජෙනරාල් සරත් ෆොන්සේකා මහතාට සැපයූ ආරක්ෂාව යළි පවරා දෙන ලෙස ආරක්ෂක අමාත්‍යංශය ඔහුගෙන් ඉල්ලා ඇතැයි යුද හමුදා මාධ්‍ය ප්‍රකාශක බ්‍ර්ගේඩයර් උදය නානයක්කාර මහතා පවසයි.

ජනාධිපති මහින්ද රාජපක්ෂ මහතා ලැබූ ජයග්‍රහණයත් සමඟ ජෙනරාල් සරත් ෆොන්සේකා මහතා ඉන්දීය රජයෙන් ආරක්ෂාව පතා ඇතැයි ඉන්දීය මාධ්‍යය වාර්තා කරයි.

Wednesday, January 27, 2010

Sarath Fonseka

By: Last Man On: 3:55 AM


සරත් ෆොන්සේකා මංගලට පහර දෙයි

By: Last Man On: 2:48 AM
සරත් ෆොන්සේකා මංගල සමරවීර මහතාට පහර දී එලවා ඇත. මෙය සිදුවී ඇත්තේ අද උදෑසන සිනමන් ග්‍රෑන්ඩ් හෝටලය තිලදීය. සරත් ෆොන්සේකා මහතා දැනට රැඳී සිටින්නේ සිනමන් ග්‍රෑන්ඩ් හෝටලය තුලයි. මෙමෙ හෝටලය හමුදාව විසින් වටලා ඇත. අද ප්‍රකාශිත ප්‍රතිපල අනුව සරත් ෆොන්සේකා මහතා ජනපතිවරනයෙන් අන්ත පරජයක් ලැබීය.


Sunday, January 24, 2010

Jaky's Hot Videos

By: Last Man On: 3:24 PM






Saturday, January 23, 2010

මගේ පෙම්වතා කලාවට සම්බන්ධයි - අමිෂා කාවින්දි

By: Last Man On: 1:36 PM

හැඩකාර යොවුන් නිළියන් ගොන්න අතරට එක්වූ සුන්දරතම තාරකාවකි ඇය. ඇය අද වන විට ජනාදරයට පත්ව ඇත්තේ මේ දිනවල තිරගත වන ‘සුදු හංසි’ චිත්‍රපටය හරහායි.



‘සුදු හංසි’ චිත්‍රපටයේ මලීෂාගේ චරිතය නිරූපණය කරමින් රසික සිත් අමන්දානන්දයට පත් කරන ඇය නමින් අමීෂා කාවින්දියි. මේ නවක යොවුන් නිළිය ගේ නවතම තොරතුරුයි අද ‘රසඳුන’ සතුටු සාමිචිය සරසන්නේ.

මේ දිනවල ඔබ රඟපෑ ‘සුදු හංසි’ චිත්‍රපටය තිරගත වෙනවා නේද?

ඔව්. පසුගිය 8 වැනිදා ‘සුදු හංසි’ රිලීස් වුණා. අසීමිතව ලැබෙන පේ‍්‍රක්ෂක ප්‍රතිචාර මැද්දෙ එය තිරගත වෙනවා.

ඔබට තවත් චිත්‍රපටවලට ආරාධනා ලැබුණේ නැද්ද?

එහෙම විශේෂ ආරාධනා ලැබුණෙ නැහැ. මේ දවස්වල නිදහසේ ගෙදරට වෙලා කාලය ගත කරනවා.

ඔබේ ‘මලීෂා’ චරිතයට ලැබෙන පේ‍්‍රක්ෂක ප්‍රතිචාර කොහොම ද?

ඇත්තටම ඉතාම හොඳ ප්‍රතිචාර ලැබෙනවා. මේ චිත්‍රපටය මැද මාවතේ චිත්‍රපටයක්. චිත්‍රපටය අවබෝධ කර ගන්න නම් එය මුල සිට අග දක්වාම නැරැඹිය යුතුයි. මෙය ප්‍රධාන චරිත 4 ක් වටා දිවෙන චිත්‍රපටයක්.

ඔබ මීට පෙරත් චිත්‍රපට කිහිපයකටම දායක වුණා. ඒ ගැනත් කතා කරමු?

මේක මගේ තුන්වන චිත්‍රපටය. මම මීට පෙර ‘ඩබල් ගේම්’, ‘සර් ලාස්ට් චාන්ස්’ චිත්‍රපට වලට රංගනයෙන් දායක වෙලා තිබෙනවා. ඒ වගේ ම මේ වසරේ සුනිල් සෝම පීරිස් ගේ ‘ජය පිට ජය’ චිත්‍රපටයටත් රංගනයෙන් එක් වෙනවා.

ටෙලිනාට්‍ය නිළියක් ලෙසත් ඔබ රසිකයන් අතර ජනපි‍්‍රයයි නේද?

ඔව්. මම දැනට ටෙලිනාට්‍ය තුනකට පමණ රංගනයෙන් දායක වෙලා තිබෙනවා. ඒවායින් මට පේ‍්‍රක්ෂකයන් අතරට ගිහින් ඔවුන්ගේ අවධානය දිනාගන්න පුළුවන් චරිත රඟපාන්න ලැබුණා. ‘නිලංජනා’, ‘කාව්‍යා’, ‘සෙනෙහස කොතැන ද’ කියන ටෙලි නාට්‍ය තුනක මම රඟපෑවා.

නිළියක ලෙස ඔබට ලැබෙන ඕනැම චරිතයක් රඟපාන්න ඔබ ලෑස්ති ද?

එහෙම නැහැ. මොකද මම හොඳින් පිටපත කියවලා මට කරන්න පුළුවන් දෙයක් ද නැද්ද කියලා බලනවා. ඒ වගේ ම අවසානයක් තිබෙන ටෙලිනාට්‍යයක් ද කියලා බලනවා.

කොටස් තිහට වැඩිනම් මම බාරගන්නේ නැහැ. කල්පනා කරලා බලලා තමයි අදාළ චරිතය තෝරා ගන්නේ. මේ හින්දා මට ලැබෙන්නං වාලේ ලැබෙන හැම චිත්‍රපටයකම, ටෙලිනාට්‍යයකම රඟපාන්න මම සූදානම් නැහැ.

ඔබ නියැළී සිටින ‘කලා ක්ෂේත්‍රය’ ගැන මොකද හිතෙන්නේ?

ඇත්තටම නිළියක් වෙන්න හැම කෙනෙකුටම බැහැ. එයට දක්ෂතාවයක් තිබිය යුතුයි. මම ඒ අතරින් වාසනාවන්තයි. මට නිළියක් විදිහට කලා ක්ෂේත්‍රයට අවතීර්ණ වෙන්නට ලැබුණේ ‘සඳ දෙව්දෝණි’ චිත්‍රපටයේ ප්‍රධාන චරිතයක් රඟපාමින්. ඒ නිසා මට කලා ක්ෂේත්‍රය ගැන තිබෙන්නේ සුබවාදී හැඟීමක්.

ඔබේ කලා කටයුතුවලට ගෙදරින් ලැබෙන සහයෝගය මොන වගේ ද?

ගෙදරින් ඉතාම හොඳ සහයෝගයක් ලැබෙනවා. මාව චිත්‍රපට සඳහා උනන්දු කළේ මගේ සොයුරිය සහ මවයි. ඒ දෙන්නා මට අවශ්‍ය හැමදේම ලබා දෙමින් මාව දිරිමත් කරනවා. ඒ වගේම මගේ තාත්තත් උපරීම ලෙස මට උදව් උපකාර කරනවා.

මගේ පියා මර්වින් පෙරේරා ඔහු ටෙලිකොම් ආයතනයේ සේවය කළා. දැන් විශ්‍රාමික සුවයෙන් පසුවෙනවා. මව ගීතාංජලී පෙරේරා. සහෝදරිය විවාහකයි. අපි ඉතාම සතුටින් ජීවිතය ගත කරනවා.

ඔබේ පෙම්වතා කලා ක්ෂේත්‍රයේම කෙනෙක් නේද?

ඔව්. මට පෙම්වතෙක් ඉන්නවා. ඔහු කලාවට සම්බන්ධයි. අපේ ආදරයට දෙපැත්තෙම, මවුපියන්ගෙන් ආශිර්වාද ලැබිලයි තියෙන්නේ. ඇත්තටම ඔහු හොඳ කෙනෙක්.

මාව ඉතාම හොඳින් අවබෝධ කරගත් කෙනෙක්. මේ ක්ෂේත්‍රයේ ඉදිරියට යන්නට ඔහු මට උදව් කරනවා. එක් අතකින් ඔහු මට සැබෑම ශක්තියක්.

ඔබේ අනාගත බලාපොරොත්තු මොනවා ද?

කලා ක්ෂේත්‍රයේ ඉදිරියට යන්න බලාපොරොත්තුවක් තිබෙනවා.

අමීෂාගේ ලිපිනය.

‘ශාන්ති සෙවණ’, ‘වැල්ලබඩ, උස්වැටකෙයියාව.

Thursday, January 21, 2010

Nathasha's Boy Friend ???

By: Last Man On: 3:48 AM


Tuesday, January 19, 2010

සනා දේශපාලනයට

By: Last Man On: 12:33 PM

Sunday, January 17, 2010

පබා චන්දය ඉල්ලයි

By: Last Man On: 3:15 PM

Saturday, January 16, 2010

මට කට කතා නෑ- නයනා කුමාරි

By: Last Man On: 3:11 PM


කලකට පෙර පුංචි තිරය හැඩ වැඩ කළ නයනා කුමාරි ඔබට මතකද? නයනා මේ දිනවල වැඩිපුර පෙනෙන්න නැත්තෙ ඇයි?. පුංචි තිරයෙන් පායන තරුවලට ආදරය කරන ඔබ ඒ විස්‌තර දැනගන්න කැමැත්තක්‌ දක්‌වනවා ඇති නේද? . මීට වසර විස්‌සකට උඩදී ඔතෙලෝ වේදිකා නාට්‍යයෙන් රංගනයේ මුලකුර කියවූ ඇය කස්‌තිරම ටෙලි නාට්‍යයේ ලතාගේ චරිතයෙන් පුංචි තිරයේ දස්‌කම් පා ප්‍රේක්‍ෂක හිත උදුර ගත්තා කියලයි අපිට හිතෙන්නේ. චාතුර්යා, ගජමන් නෝනා, අසනි වැහි, මං හින්දා වැනි ටෙලි නාට්‍ය
වලින් තව තවත් රසික හද උදුරා ගත් ඇය මේ දිනවල මොනවද කරන්නේ කියලා දැනගන්න අදහස්‌ කළා.

අලුත් නාට්‍ය දෙකකට ආරාධනා ලැබිලා තිබෙනවා. ඒවායේ දින වකවානු නම් හරියට කියන්න බැහැ. සමහර විට පෙබරවාරි මාර්තු මාසවල රූගත කිරීම් සිදුකෙරෙයි. රූගත කළ නාට්‍ය දහයක්‌ විතර තිබෙනවා විකාශනය වෙන්න. ඒවායේ රඟපෑ චරිත එකකට එකක්‌ වෙනස්‌. මගේ පුතා නිසා ගොඩක්‌ ටෙලි නාට්‍යවලට සම්බන්ධ වෙනවා අඩුයි. කොළඹ අවට රූගත කෙරෙන ටෙලි නාට්‍යවලට විතරයි සම්බන්ධ වෙන්නෙ. කොළඹින් පිට සිදුවෙන රූගත කිරීම්වලට නම් සම්බන්ධ වෙන්නේ නැහැ.

පවුලේ වැඩකටයුතු එහෙම කොහොමද?
පුතාට අවු. 4 ක්‌ විතර වෙනවා. එයා ජාත්‍යන්තර පාසලක ඉගෙන ගන්නවා. මහත්තයා ව්‍යාපාර කටයුතු වලට සම්බන්ධ වෙලයි ඉන්නේ. එයයි මමයි එකතුවෙලා තමයි ව්‍යාපාර කටයුතු කරන්නේ. දරුවාගේ වැඩත් සැමියාගේ වැඩ ටිකත් වගේම මගේ වැඩ කටයුතුත් කරගන්න පුළුවන් විදිහට කලා කටයුතුවලට සම්බන්ධ වෙනවා.

ඇයි පුංචි තිරයේ වැඩිපුර දකින්න නැත්තේ?
මම දැන් විවාහකයි. අනික මගේ පුතාත් අධ්‍යාපන කටයුතුවල නියෑලෙනවා. එයාව දාලා කොහෙවත් යන්න මම කැමැති නැහැ. ඒ නිසා තමයි කොළඹ අවට රූගත කරන ටෙලි නාට්‍යවලට විතරක්‌ දායක වෙන්නෙ. එහෙම නැතුව ටෙලි නාට්‍ය වල රංගනයට ආරාධනා ලැබෙනවා නම් නොවෙයි.

ගොඩක්‌ විලාසිතාවටත් කැමැතියිලු නේද?
ගැහැනු කවුද අකැමැති විලාසිතාවට. අනික අද ගැහැනුන්ට වඩා ගොඩක්‌ පිරිමිනෙ විලාසිතාවට ඇල්මක්‌ දක්‌වන්නෙ. මම ගැහැනියක්‌ විදිහටත් රංගන ශිල්පිනියක්‌ විදිහටත් විලාසිතාවට කැමැතියි. හැබැයි මිනිසුන්ගේ උපහාසයට ලක්‌ නොවන විලාසිතා තමයි මම කරන්නේ.

එතකොට ගයත්‍රිත් සමග පටන් ගත්ත අලුත් වැඩසටහන ?
ගයත්‍රි කියන්නේ හොඳ පළපුරුදු රූපලාවන්‍ය ශිල්පිනියක්‌. මමත් ඒ ගැන නිහඬව ඉගෙන ගත්තා. අපි දෙන්නාගේ තිබෙන යාළුකමත් සමග තමයි රූපලාවන්‍ය පිළිබඳ වැඩමුළු පවත්වන්න අදහස්‌ කළේ. අපි දෙන්නගේ විලාසිතා දැකල ගොඩක්‌ දෙනෙක්‌ අපට යෝජනා කළා අපිටත් මේ දේවල් කියල දෙන්න කියලා. ඊට පස්‌සෙ අපට හිතුනා වැඩමුළුවක්‌ පවත්වන්න. ඒක මුලින්ම කළේ පොළොන්නරුවේ. එය අතිසාර්ථක වුණා. ඒක දැකල ලංකාවේ ප්‍රසිද්ධ ආයතනයක්‌ පවා අපිට ආරාධනා කළා ඒ අයත් සමග එකතුවෙලා වැඩ කරන්න කියලා. ඉදිරියේදී රූපලාවන්‍ය ගැන හරි දේ හොඳ දේ ගැන ආසාවක්‌ දක්‌වන අයට අපේ දැනුම ලබාදෙනවා.

ගයත්‍රිත් සමග තිබෙන මිතුදම ගැනත් නොකියාම බැරි ඇති නේද?
එය ගොඩක්‌ අයට හරි ප්‍රශ්නයක්‌ වෙලා. මොකද මේ වගේ යාළුකමක්‌ මෙච්චර කාලයක්‌ තියාගන්නෙ කොහොමද කියලා. ගැහැනු දෙන්නෙකුට මෙච්චර කාලයක්‌ ආදරෙන් ඉන්න බැහැ කියලයි සමාජයෙන් නිතරම කියන්නේ. නමුත් අපේ යාළුකමට අවුරුදු දහසයක්‌ වෙනවා. පාසල් වියේදීමයි ඒ මිතුදම ඇතිවුණේ. ඒකට හේතුව අපි දෙන්න අතර බොරුව වංචාව නැහැ. අපි දෙන්නට අපි දෙන්න හරි විවෘතයි.

ගොඩක්‌ නපුරුයි කියන්නේ?
මෙහෙමයි. මම කලාවට ඇවිල්ලා අවුරුදු විස්‌සක්‌ විතර වෙනවා. තවම මම කිසිම කතාවකට ලක්‌ව නැති නිළියක්‌. මට තිබෙන ඉහළම සම්මානයත් ඒකයි. වෙන අය වගේ නොමෙයි මම හරි විවෘතයි. ඇත්ත මිසක්‌ මගේ ළඟ බොරුව නැහැ. පවුල් ජීවිතයේදීත් සමාජයේදීත් කලා ජීවිතයේදීත් බොරුවෙන් ජීවත් නොවූ ගැහැනියක්‌. වැඩකදී වුණත් සුහදව කතා කර වැඩ අවසන් වූ පසු බායි කියලා ගෙදර එනවා. අනෙක්‌ ගැනු වගේ තොදොල් වෙන්න කියන දේ මා ළඟ නැහැ. ඒ දේවල් තිබෙන්නේ මගේ සැමියා සහ දරුවා සමගයි. ඒ නිසා වෙන්න ඇති ඔහොම කියන්නේ. කොහොමටත් මට අනික්‌ කාන්තාවන් වගේ අනවශ්‍ය බැඳීම් අවශ්‍ය නැහැ. මට කිසිම කෙනකුට චෝදනා කරන්නත් බැහැ.

ආමන්තගේ අලුත් පෙම්වතිය ගැන මොකද හිතෙන්නේ?
මම රඟපෑ නාට්‍යවලින් නොබලපු නාට්‍යයත් ඒක තමයි. ඒ නාට්‍ය මට බලන්න ලැබෙන්නේ නැහැ. ඒ නිසා ඒ ගැන කියන්න දන්නෙ නැහැ.

සමහරු රූපය ගැන මිසක්‌ දරුවන් ගැන නොවෙයි හිතන්නේ?
එහෙම කියන්න අමාරුයි. සමාජයේ ඕනෑම කාන්තාවක්‌ විවාහ වෙලා දරුවෝ හදන්න තමයි කැමැති. ඔය කියන ආකල්පයේ එක්‌කෙනෙක්‌ දෙන්නෙක්‌ ඉන්න පුළුවන්. ඕකට හොඳම උදාහරණයට මාව ගන්න පුළුවන්නේ. මගේ ස්‌වරූපය වෙනස්‌ වෙලා නැහැනෙ දරුවන් හැදුවා කියලා. ඒ දේ අපි විඳින්නේ නැතුව අපිට මොන දේ ලැබුණත් වැඩක්‌ නැහැ.

සැමියා ගැන හිතෙන්නේ ?
අවුරුදු නවයක ආදර සම්බන්ධයකින් තමයි අපි විවාහ වුණේ. 2010 වෙනකට අපේ හැඳුනුම්කමට අවුරුදු 17 ක්‌. ඉතිං අපි දෙන්න ගොඩක්‌ දුරට අවබෝධයෙන් තමයි වැඩකරන්නේ.

කාන්තාවක්‌ විදිහට සිතුවිලි පාලනය කරගන්නේ ?
ඒකට තමයි බුද්ධියක්‌ කියලා දෙයක්‌ තියෙන්නේ. සමාජයත් සමග ජීවත්වීමේදී සිතුවිලි ඕනෑතරම් හිතට මනසට නැගෙනවා. අපිට තිබෙන බුද්ධියෙන් ඒවා පාලනය කරගෙන වටහාගෙන ජීවත් විය යුතුයි. අපට එන සිතුවිලිවලට ඉඩ දුන්නොත් කොහෙන් කොතැනින් නවතීද දන්නේ නැහැ.

Friday, January 15, 2010

මම රඟපෑමෙන් ඉවත්වුණා පූජා උමාශංකර්

By: Last Man On: 2:04 PM

මම රඟපෑමෙන් ඉවත්වුණා පූජා උමාශංකර්

දෙවියන් විසින් මිහිමතට එවූ සුරඟනක් ද එසේත් නැත්නම් ස්වාභාව ධර්මයේ අපූර්වතම දායාදයක් දැයි කිසිවෙකුටත් කිව නොහැකි ය. එතරම්ම ඈ සුන්දරයි.

කුමන ඉරියව්වකින් සිටිය ද ඇගේ සුන්දරත්වයේ බිඳකුඳු අඩුවක් නොවේ. දුටුවන් නෙත් වශීකරන ඇයටම හිමි වූ රන්වන් රූ සපුවත් කාන්තිමත් නෙත් සඟළ, රෝස පැහැති වළ ගැසෙන දෙකොපුල් ඒ සොඳුරු වතට ගෙන එන්නේ නැවුම් ආකර්ෂණයකි. ඉන්දු - ශ්‍රී ලංකා සම්භවයක් සහිත මේ අපූරු රුවැති කලාකාරිය අද වනවිට මෙරටේත් ඉන්දියාවේත් රසික ජනතාවගේ සිහින කුමරියක වී අවසානය.

පූජා උමාශංකර් නමින් ලොවක් හඳුනන ඇය කා අතරත් ජනප්‍රියත්වයට පත් ව ඇත්තේ දෙමළ සහ සිංහල සිනමාවේ රංගන ශිල්පිනියක ලෙසයි. මේ ඇගේ නවතම තොරතුරුයි.

පූජා මේ දවස්වල කාර්ය බහුලයි වගේ?

තරමක් කාර්ය බහුලයි. මොකද මම ලංකාවට ඇවිත් ඉන්නේ විශේෂයෙන් ම මගේ අම්මාට උදව් කරන්න. මගේ සීයයි, ආච්චියි දෙන්නම මේ වෙන කොට පසුවෙන්නේ අසනීප තත්ත්වයෙන්. ඔවුන්ගේ වැඩකටයුතු තනිවම කරන්න අම්මට විතරක් බැහැ. ඉතින් ඇයට උදව් කරන්නත් සීයයි, ආච්චියි බලා කියා ගන්නත් මගේ උදව් මේ මොහොතේ අවශ්‍යමයි. ඒ නිසා මම ඔවුන් සමඟ ලංකාවේ ඉන්නවා.

ඔබ රඟපෑමෙන් සමුගන්න යන බව ඇත්තද?

පළමුවෙන් ම මම රංගනයට අවතීර්ණ වුණේ මගේ ර්ඕඒ උපාධිය අවසන් වූ අවස්ථාවේමයි. මගේ තාත්තා මම රඟපානවට කැමැති වුණේ ම නැහැ. ඔහු මම කලා ක්ෂේත්‍රයට අවතීර්ණ වෙනවට හරියට විරුද්ධ වුණා. ඔහු කිව්වේ ‘රඟපාන්න ගියොත් ඔයා ඉගෙන ගත්ත දෙයින් වැඩක් වෙන්නෙ නැහැ පූජා’ කියලයි. මගේ තාත්තා බැරිම තැන මගේ ඉල්ලීමට ඉඩ දුන්නා. ඔහු මට අවුරුදු 5 ක කාලයක් ලබාදුන්නා රඟපාන්න. ඒ අවුරුදු 5 ඇතුළත රංගන කටයුතු ඉවර කරන්න මමත් ඔහුට පොරොන්දු වුණා. මම තාත්තට පොරොන්දු වුණු කාල සීමාව දැන් ඉවරයි. ඒ නිසා මම තීරණය කළා සිනමා කටයුතුවලින් ඉවත් වෙන්න. ඒ නිසා ම මම ඉන්දියාවෙවත් - ලංකාවෙවත් කිසිම චිත්‍රපටයකට සම්බන්ධ වුණේ නැහැ.

ඔබ සිනමා රංගනයෙන් සමුගැනීමට තීරණය කිරීමෙන් මෙරට සහ ඉන්දීය සිනමා කර්මාන්තයට වගේ ම ඔබේ රංගන කුසලතාවයන්ටත් අසාධාරණයක් සිදුවන්නේ නැති ද?

එය අසාධාරණයක්, පාඩුවක් වුණත් මගේ පියාගේ කැමැත්ත වෙනුවෙනුත් මගේ අනාගතය වෙනුවෙනුත් මම ඒ තීරණය ගත යුතුයි. මං මේ තීරණය ගන්න කොට හුඟාක් දෙනෙක් එයට එකඟ වුණේ නැහැ. ඔවුන් එරෙහි වුණා.

ඔවුන් හැම දෙනාම කිව්වේ ඇයි අයින්වෙන්නේ? ඒක අපිට ලොකු පාඩුවක් කියලයි. ඒත් මම මේ වෙනකොට ඉන්දියානු සිනමාවේත් සිංහල සිනමාවේත් රඟපෑ චිත්‍රපට ගැන මට ලොකු සතුටක් තිබෙනවා. ඒවාට ප්‍රේක්ෂක ප්‍රතිචාර නොඅඩුව ලැබුණා. ඉතින් මම ගත් මේ තීරණය ගැන පසු තැවෙන්නේ නැහැ.

මෙවර සරසවිය සම්මාන උලෙළේ දී ‘හොඳම නිළිය’ සම්මානයට ඔබේ නමත් නිර්දේශ වුණා හොඳම නිළිය සම්මානය ඔබට හිමිවේවි කියා හිතුණේ නැද්ද?

ඇත්තටම මම එතැන දී සම්මානයක් ගැන හිතුවේ නැහැ. මගේ නම හොඳම නිළිය සම්මානයට නිර්දේශවීම ගැන මට ඇති වුණේ ලොකු සතුටක්. ඇත්තටම ඒ සතුට මට ඇති.

සරසවිය සම්මාන උලෙළ ගැන ඔබට හිතෙන්නේ කුමක්ද?

ලංකාවේ පවත්වන හොඳම සම්මාන උලෙළ තමයි ‘සරසවිය’ සම්මාන උලෙළ. එය ඉතාම ලස්සනට සංවිධානය කරල තිබුණා. එයට සහභාගි වෙන්න ලැබීම මට සතුටක්.

ඔබ සිනමාවෙන් සමුගන්නේ ඔබේ විවාහය මේ වසරේ සිදුවෙන නිසා ද?

ඒ නිසාමත් නෙවෙයි. මම පියාට වුණු පොරොන්දුව ඉටු කළා. මගේ පියා මට ගැළපෙන සහකරුවෙක් සොයනවා. මට ගැළපෙන කෙනෙක් හමු වුණොත් මගේ විවාහයත් මේ වසරේදී සිදුවේවි.

ඔබේ සහකරුවා මොනවගේ කෙනෙක් විය යුතුයි කියා ද ඔබ සිතන්නේ?

ඔහු මට ගැළපෙන කෙනෙක් විය යුතුයි. දුම්පානය කරන මත්පැන් බොන කෙනෙකුට නම් මම කිසිසේත් ම කැමැති නැහැ. ඔහු දුම් නොබොන මත්පැන් පානය නොකරන කෙනෙක් වගේ ම යහපත් කෙනෙක් විය යුතුයි. සාමාන්‍ය පවුලක, බුද්ධිමත්, ගුණගරුක, ප්‍රිය මනාප පුද්ගලයෙක් විය යුතුයි.

Wednesday, January 13, 2010

2008 වසරේ විශිෂ්ටතම නිළිය දුලානි අනුරාධා

By: Last Man On: 2:19 PM
[DulaniAnuradha.jpg] තම ප්‍රථම සිනමා රංගනයෙන්ම ‘සරසවිය’ හොඳම නිළි කිරුළට හිමිකම් කියූ එකම නිළිය සේ මෙතෙක් එම ඉතිහාසයට එක්ව සිටියේ ‘ගැටවරයෝ’ චිත්‍රපටයේ රඟපෑ සෝබනී අමරසිංහ පමණකි.

ඇගේ රංගන විශිෂ්ටත්වය එලෙසින් ශෝභමාන වූයේ අදින් වසර හතළිස් හතකට පෙර 1965 වසරේ පැවැති ‘සරසවිය’ සම්මාන උළෙලේදීය.

ඉකුත් දා පැවැති 32 වැනි ‘සරසවිය’ සම්මාන උළෙලේ දී ඒ ඉතිහාසය අලුතින් ලියන්නට තවත් යොවුන් නිළියක සමත් වූවාය. 2008 වසරේ තිරගත වූ චිත්‍රපට අතරින් ජැක්සන් ඇන්තනි අධ්‍යක්ෂණය කළ ‘අබා’ හි ‘භුම්බකබූතා’ ලෙසින් රඟපෑ දුලානි අනුරාධා එකී දුලබ වාසනාවට හිමිකම් කියූූ දෙවැන්නියයි.

‘අබා’ තිරගත වන්නටත් මත්තෙන් මා එදා ‘සරසවිය’ පුවත්පතට ඈ ගැන සටහනක් තැබුවෙමි. මා දන්නා තරමින් ඒ ඈ පිළිබඳ ලියැවුණ මුල්ම ලිපිය විය යුතුය. එදා අප සංවාදයේ නිමිත්ත වූයේ ‘අබා’ චිත්‍රපටයේ ඇගේ රංගනයයි. නමුදු ඒ මුල්ම රංගනය උදෙසා ඈ මෙලෙස හොඳම නිළිය ලෙසින් සම්මානනීයත්වයට පත්වේ යැයි එදා මට නිකමටවත් සිතුණේ නැත. ඒ නොසිතූ දේ දැන් සිදුව තිබේ.

ජැක්සන් ඇන්තනි නම් වූ විශිෂ්ට සිනමාවේදියා අපේ සිනමාවට සොයා දුන් මේ මහඟු සම්පත පිළිබඳ තවත් බොහෝ සුබවාදී අනාගත වැකි ඉදිරියේදී ලියැවෙනු ඇතැයි මට සිතේ.

එය අනාගතයට බාර කරමින් අපි මෙලෙස වර්තමානයේ සිට ඇගේ් ගමන් මග දෙස විමසිලිමත් වන්නේ ලැබූ විජයග්‍රහණයට ‘සරසවිය’ සුබපැතුම් එක් කරමිනි.

දුලානි ‘භුම්බකබූතා’ ගෙනා වාසනාව ගැන මොකද ඔයාට හිතෙන්නේ?

වචනයෙන් කියන්න බැරි තරම් ලොකු සතුටක් හිතේ තියෙන්නේ. ඒක මෙහෙමයි කියලා විස්කර කරන්න බැහැ. චිත්‍රපටයට සම්බන්ධ වීම හැර මේ වගේ සම්මානයක් ගැන එදා බලාපොරොත්තුවක් තිබුණේ නැහැ.

රඟපෑ ප්‍රථම චිත්‍රපටයෙන්ම හොඳම නිළිය වීමේ මහඟු වරම ඔයාට ලැබුණා. අධ්‍යක්ෂ ජැක්සන් ඇන්තනිගෙන් මොන වගේ සහයක්ද ලැබුණේ මේ චරිතය ගොඩ නගා ගන්න?

ඇත්තෙන්ම ‘අබා’ චිත්‍රපටයේ අධ්‍යක්ෂණය වගේම තිර පිටපතත් ජැක්සන් සර්ගේමයි. ඒකත් මේ චරිතය සාර්ථක කර ගන්න ලොකු පිටුබලයක් වුණා කියලා මට හිතෙනවා. ඔහු ඇත්තටම මට උපදෙස් දුන්නේ දර්ශන තලයේදී පුළුවන් තරම් සැහැල්ලුවෙන්, විනෝදයෙන් ඉන්න කියලයි. ඒ නිසාම මේ චරිතය රඟපාද්දී මගේ හිතට බරක් දැනුණේ නැහැ. ජැක්සන් සර් නැතිනම් මට බැහැ මේ තත්ත්වයට එන්න.

ප්‍රථම චිත්‍රපටයෙන්ම මේ වගේ ප්‍රධාන චරිතයක් රඟපාන්න ලැබීම ගැන දුලානිට මොනවද හිතෙන්නේ. බියක් චකිතයක් හිතට දැනුණේ නැද්ද?

මුලින්ම යම් චකිතයත් හිතේ නොතිබුණා නෙවෙයි. ඒත් ජැක්සන් සර් එක්ක වැඩ කරගෙන යද්දී චකිතය ඉබේම හිතෙන් දුරස් වෙලා ගියා.

ජැක්සන් ඇන්තනි නළුවෙක් නිසා ඔහු වඩාත් හොඳින් දැනගෙන හිටියා ආධුනික කෙනෙක් හසුරු වන්නේ කොහොමද කියන කාරණය. ඇත්තෙන්ම මේ චරිතයට මේ තරම් විශාල ප්‍රේක්ෂක විචාරක ප්‍රතිචාර ලැබුණේ මා චරිතයට ඉටු කළ සාධාරණය වෙනුවෙන්. ඒ පසුපස හිටිය යෝධ සෙවණැල්ල වුණේ ජැක්සන් සර්.

රවීන්ද්‍ර රන්දෙනිය, මාලනී ෆොන්සේකා වැනි ප්‍රවීණතම නළු නිළියන් සමඟ වැඩ කරන්න දුලානිට අවස්ථාව ලැබුණා?

ඔව්, එකත් මගේ් ලොකු වාසනාවක්. මේ චරිතය ගොඩ නගා ගන්න ඒ අයගේ සහයත් මට ලැබුණා. ඒ වගේම අනෙකුත් සෑම නළු, නිළියකුගෙන්ම, කාර්මික ශිල්පියකුගෙන්ම මට ලැබුණේ පුදුමාකාර සහයෝගයක්.

ඇඳුම් නිර්මාණය, වේශ නිරූපණය වගේ දේවල් පවා මේ චරිතයේ සාර්ථකත්වය පිටුපස තිබුණා. මේ සියල්ලන්ගේම සහයෝගය මත මට ජැක්සන් ඇන්තනි කියන අධ්‍යක්ෂවරයාගේ මනසේ ඇඳුණ භුම්බතබූතා තිරයේ ප්‍රති නිර්මාණය කරන්න පුළුවන්කම ලැබුණා.

‘අබා’ චිත්‍රපටයට සම්බන්ධ වෙන්න දුලානිට අවස්ථාව ලැබුණේ කොහොමද කියලත් පොඩ්ඩක් මතක් කරමු?

‘සිරස කුමරිය’ නර්තනය ඉදිරිපත් කරද්දී තමයි ජැක්සන් සර් මුලින්ම මාව දැකලා තියෙන්නේ. ඔහුගේ සිතේ තිබුණ භුම්බකබූතාගේ රූපයට මගේ රූපය සමාන වුණා.

ඊට පස්සේ රංගනය සහ නර්තනය ගැනත් විමසා බැලුවා. මගේ භාව ප්‍රකාශනය හරහා මේ චරිතයට කොතෙක් සාධාරණයක් ඉටු කළ හැකිද කියන කාරණය ගැනයි මම හිතන්නේ ජැක්සන් සර් වඩාත්ම අවධානය යොමු කළේ.

මේ අවස්ථාවේදී ප්‍රවීණ නර්තන ශිල්පී හා ගුරුවරයකු වන චන්දන වික්‍රමසිංහ සර්වත් ගෞරවයෙන් සිහිපත් කරනවා. මට අද වගේ මතකයි, මම බස් එකේ කැම්පස් එකට එන අතරතුරේ ඔහු තමයි කිව්වේ මේ වගේ චරිතයකට මාව තෝරගෙන තියෙනවා කියලා.

මම හිතන්නේ භුම්බකබූතාගේ චරිතයට ඔයා තෝරා ගන්න ප්‍රබලතම හේතුවක් වුණේ දුලානිගේ නර්තන හැකියාව?

ප්‍රධානම කාරණය වුණේ ඒක. නමුත් මගේ රංගන හැකියාව ගැනත් විශේෂ අවධානයක් යොමු වුණා. හැම විටම පූර්ව සූදානමක් තිබුණා මේ කටයුත්තේදී. චන්දන වික්‍රමසිංහයන් අපට නර්තනය ඉගැන්නුවා.

හබරා, භුම්බකබූතා සහ අබා කියලා කණ්ඩායම් තුනකට බෙදලා ඒ ටීම් එකතු වෙලා තමයි අපි නර්තනයන් ඉදිරිපත් කළේ. දර්ශන තලයට යද්දී අපි හොඳින් හඳුනන අය. ඒ පූර්ව සූදානම ලොකු ශක්තියක් වුණා රංගන කාර්යයට. ඉබේම චරිත තුළ ජීවත් වෙන්න අපට හැකියාව ලැබුණේ ඒ නිසයි.

‘අබා’ තිරගත වී වසරක් පමණ ගත වුණාට පසුවයි ඔයා තවත් චිත්‍රපටයකට සම්බන්ධ වෙන්නේ?

මගේ දෙවැනි චිත්‍රපටය තමයි ලලිත් පන්නිපිටියගේ ‘සංගිලි’. සාරංග දිසාසේකරගේ පෙම්වතිය විදිහටයි මම ඒකේ රඟපාන්නේ. මවුපියන් නැති අසරණ ගැහැනු ළමයකුගේ චරිතයක් ඒක.

ජීවිත කාලයේම මහ පොළොවත් එක්ක ඔට්ටු වෙලා කාගෙවත් ආදරයක්, කරුණාවක් නොලබා අවසානයේ වැරදි පැත්තට ඈ යොමු වෙනවා. ඒක තරුණියගේ වරද නෙවෙයි.

මේ වගේ සමාජ අසාධාරණයට ලක් වෙන සැබෑ චරිත අප අතරේ ඉන්නවා. මම ගොඩක් කැමැත්තෙන් මේ චරිතය රඟපෑවේ.

චරිත තෝරා බේරාගෙන රඟපෑමේ ප්‍රතිපත්තියක් ඔයාගේ තියෙනවාද?

මුලින්ම මම කරන දේ ගැන මම තෘප්තිමත් වෙන්න ඕනෑ. ඒ අනුව යම් තෝරා ගැනීමක් කරනවා.

මොනවද ඔයා තෘප්තිමත් වෙන දේවල්?

මම විශේෂයෙන්ම බලන්නේ තිර පිටපත. ඒ අනුව තමයි ගොඩක් වෙලාවට ඒ නිර්මාණයට දායක වෙනවද නැති ද කියලා තීරණය කරන්නේ. ඒක පුද්ගලයාගෙන්, පුද්ගලයාට වෙනස් වෙන දෙයක්. සමාජ මට්ටම් හා අධ්‍යාපන මට්ටම් තුළයි මේ දේවල් සිදු වන්නේ.

හොඳයි, මල් ගස් වටේ දුවන දඟකාර බොළඳ පෙම්වතියගේ චරිතයකට කතා කළොත් කවුරු හරි ඔයා එකඟ වෙනවාද?

හොඳ වාණිජ චිත්‍රපටයක රඟපාන්න මගේ ලොකු ආසාවක්, උනන්දුවක් තියෙනවා. හැබැයි ඒ චරිතයේ අර 70 දසකයේ අපේ නිළි රැජන රඟපෑ පෙම්වතිය වගේ ආකර්ෂණීය බවක් තියෙන්න ඕනෑ. මිනිසුන් ඇඳ බැඳ තබා ගන්න පුළුවන් ඒ වගේ චරිතයකට ආරාධනා ලැබුණොත් බාර ගන්න මම කැමැතියි.

මෙවැනි සම්මානයකට හිමිකම් කීම කෙසේ වෙතත් කවදා හරි නිළියක් වෙනවාය කියන හැඟීම දුලානිගේ හිතේ තිබුණාද?

පොඩි කාලේ මගේ හිතේ සිහිනයක් තිබුණා මගේ නර්තන හැකියාව වැඩි දියුණු කර ගන්න. ඒත් රංගනය ගැන එහෙම විශේෂත්වයක් මගේ හිතේ තිබුණේ නැහැ. විශ්ව විද්‍යාලයේ පළමු වසරේදී මම නාට්‍ය හා රංග කලාව පිළිබඳ සාමාන්‍ය මට්ටමකින් හැදෑරුවා.

ඒ හැර රංගනය ගැන විශේෂයෙන් සඳහන් කළ යුතු දෙයක් ඒ කාලේ තිබුණේ නැහැ. හැබැයි මට මීට කලින් ටෙලි නාට්‍ය, චිත්‍රපට කිහිපයකට කතා කළා. කුමක්දෝ හේතුවක් නිසා මම එයට කැමැති වුණේ නැහැ. මම ප්‍රේක්ෂකයන් අතරට යන්න හරි වෙලාව එනකල් බලාගෙන හිටියාදෝත් කියලා මට වෙලාවකට හිතෙනවා.

වෘත්තීය නිළියක් හැටියට දිගටම ක්ෂේත්‍රයේ රැඳී ඉන්නවාද?

එහෙම වෘත්තීය නිළියක් වෙනවාය කියන හැඟීම දැනට මගේ හිතේ නැහැ. ඒත් හොඳ නිර්මාණවලට දායක වෙන්න කැමැතියි. මම වඩාත් ඇලුම් කරන්නේ නර්තන ගුරුවරියක් විදිහට මම ඉගෙන ගත් දේ තවත් පරපුරකට බෙදා හදා දෙන්නයි.

හොඳ නිර්මාණවලට දායක වෙන්න කැමැතියි කිව්වා. ඔයා වඩාත් කැමැත්තක් දක්වන චිත්‍රපට අධ්‍යක්ෂවරුන් කවුද?

එහෙම විශේෂයක් නැහැ. මම කැමැතියි මට හරි යන චරිතයක් දීලා මගේ උපරිමය ලබා ගන්න පුළුවන් ඕනෑම අධ්‍යක්ෂවරයකුට.

දුලානිගේ අධ්‍යාපන කටයුතු දැන් ඉවරද?

ඔව්. විශ්ව විද්‍යාල අධ්‍යාපන කටයුතු නම් දැන් ඉවරයි. ප්‍රසාංගික කලාවේදී විශේ්ෂ උපාධිය දෙවැනි පන්තියේ සමාර්ථයක් මට තියෙනවා.

අපි මෙච්චර වෙලා කතා කළේ දුලානි අනුරාධා කියන නිළිය ගැන. කැමැතියි දැනගන්න ඒ පෙම්වතිය ගැනත් තොරතුරු ටිකක්?

මම පෙම්වතියක් නෙවෙයිනේ. ඉතින් මට ප්‍රේමවන්තයෙකුත් නැහැ.

බොරු නේ?

ඇත්තටම එහෙමයි. කලින් එහෙම සම්බන්ධයක් තිබුණා. ඒත් දැන් නැහැ. හැබැයි මට ආදරය කරන ගොඩ දෙනෙක් ඉන්නවා. ඒ නිළියක් විදිහට.

ඒ අතරේවත් විශේෂ කෙනෙක් නැහැ?

නැහැ. එහෙම විශේෂ කෙනෙක් නැහැ.

එතකොට දැන්ම විවාහය සිදු වෙන්නේ නැද්ද?

විවාහ වෙන්න බලාපොරොත්තු වෙනවා. ඒත් ඒ කවදාද කියන එක නම් දැන්මම නිශ්චය විදිහට කියන්න බැහැ.

Monday, January 11, 2010

ජනපති අපේක්ෂයන් සහ අන්තඃපුර හුටපට

By: Last Man On: 4:12 PM
මෙම ප්‍රවෘත්තිය ඉවත් කොට ඇත

Sunday, January 10, 2010

Thisara Loves Me..

By: Last Man On: 11:42 AM








Friday, January 8, 2010

Play Paba

By: Last Man On: 1:34 PM

Thursday, January 7, 2010

ප්‍රභාකරන්ගේ පියා මිය යයි

By: Last Man On: 9:24 AM
ජන.07- එල්.ටී.ටි.ඊ නායක වේලුපිල්ලේ ප්‍රභාකරන්ගේ පියා වු තිරුවේන්ගඩම් වේලුපිල්ලේ මහතා මියගොස් තිබේ.

හමුදා ප්‍රකාශක බ්‍රිගේඩියර් උදය නානායක්කාර මහතා සදහන් කළේ, පනාගොඩ හමුදා කදවුරේ රැකවරණ යටතේ සිටි ඔහු ඊයේ රාත්‍රියේ මියගිය බවය.

වේලුපිල්‌ලේ මහතා අංශභාග රෝගයෙන් පෙළෙමින් සිටි බවත් ඒ සදහා කොළඹ ජාතික රෝහලෙන් විටින් විට ප්‍රතිකාර ලබා දුන් බව ද
බ්‍රිගේඩියර්වරයා වැඩිදුරටත් සදහන් කළේය.

මියයන විට ඔහු 86 වන වියේ පසු විය.

Wednesday, January 6, 2010

පබා ජෙනරාල්ට...

By: Last Man On: 11:28 AM

Tuesday, January 5, 2010

ජෙනරාල්ගේ රහස් අවි ගනුදෙනු මෙන්න අදාළ ලිපි ලේඛන ඊයේ මැතිසබයට

By: Last Man On: 3:39 PM
ඕස්ට්‍රේලියාවේ සමාගමක නමක් හොරෙන් අරන් ටෙක්සාස්හි ලියාපදිංචි කරලා
ඕස්ට්‍රේලියාවේ ලියාපදිංචි “බ්‍රිටිෂ් බෝනියෝ ඩිෆෙන්ස්” සමාගම ලෙස පෙන්වමින් මෙරටට අවි ආයුධ මිලදී ගැනීම සඳහා යොදාගත් ටෙක්සාස්හි ලියාපදිංචි කරන ලද විශ්‍රාමික ජනරාල් සරත් ෆොන්සේකාට අයත්ව්‍යාජ සමාගමක් පිළිබඳ තොරතුරු මැති ඇමැතිවරු පාර්ලිමේන්තුවේදී ඊයේ (05) අනාවරණය කළහ.

සරත් ෆොන්සේකා මහතාගේ බෑනා වන දනුන තිලකරත්න මහතාගේ නමින් ලියාපදිංචි කැර තිබූ හයිකොප් ඉන්ටර්නැෂනල් සමාගම සහ ටෙක්සාස්හි ලියාපදිංචි කැර තිබෙන බ්‍රිටිෂ් බෝනියෝ ඩිෆෙන්ස් සමාගම එකම සමාගමක් බව ඔවුහු හෙළි කළහ.

අවි ආයුධ ගනුදෙනුවලදී ජාත්‍යන්තරව පිළිගත් නීතියට අනුව යම් සමාගමක් ලියාපදිංචි කොට වසර තුනක්වත් ගත වී තිබිය යුතු බවත් සරත් ෆොන්සේකා මහතා යුද හමුදාපති ධූරයට පත්වන විට 2007 දී ලියාපදිංචි කළ මේ හයිකොප් සමාගමට එතරම් කාලයක් ගත වී නොමැති බැවින් ඕස්ට්‍රේලියාවේ පිළිගත් සමාගමක් වන බ්‍රිටිෂ් බෝනියෝ ඩිෆෙන්ස් සමාගමේ නාමය ව්‍යාජ ලෙස යොදාගෙන ඇති බවද ඇමැතිවරු පෙන්වා දුන්හ.

සරත් ෆොන්සේකා මහතාගේ බෑනා වන දනුන තිලකරත්න මහතා විසින් මේ ඕස්ට්‍රේලියානු සමාගමේ නාමය ව්‍යාජ ලෙස යොදාගෙන ටෙක්සාස්හි සමාගමක් ලියාපදිංචි කොට ඇති බවට අදාළ ලිපි ලේඛන සහිතව තොරතුරු අනාවරණය කැරිණි.

සරත් ෆොන්සේකා මහතාගේ ගී‍්‍රන් කාඩ් පතෙහි ඉල්ලුම් පත්‍රයේ ලිපිනය සහ හයිකොප් සමාගම ලියාපදිංචි කර තිබූ ලිපිනය එකම ලිපිනයක් බවද තොරතුරු අනාවරණය කැරිණි.

එහෙත් ඕස්ට්‍රේලියාවේ බෝනියෝ ඩිෆෙන්ස් සමාගමේ වෙළඳ නාමය වංචනික ලෙස යොදාගෙන සරත් ෆොන්සේකා මහතාගේ බෑනනුවන් වන දනුන තිලකරත්න මහතා විසින් ලියාපදිංචි කැර තිබූ ව්‍යාජ සමාගම සරත් ෆොන්සේකා මහතාගේ දියණිය වන අප්සරාගේ යෙහෙළියකගේ ලිපිනය යොදාගෙන තිබූ බවට ද ලිපි ලේඛන ඉදිරිපත් කැරිණි.

ඉදිකිරීම් හා ඉංජිනේරු සේවා ඇමැති රාජිත සේනාරත්න, විදුලිබල ඇමැති මහින්දානන්ද අලුත්ගමගේ සහ ජාතික නිදහස් පෙරමුණු නායක විමල් වීරවංශ මහත්වරු හදිසි නීති විවාදයේ දී මේ පිළිබඳ තොරතුරු අනාවරණය කළ අතර මේ කරුණු අසත්‍ය නම් සාක්ෂි සහිතව ඔප්පු කරන ලෙස ඔවුහු විපක්ෂයට අභියෝග කළහ.

ෆොන්සේකාගේ අවි ගනුදෙනුව

සරත් ෆොන්සේකා මහතා සිදුකර ඇති අවි ගනුදෙනු සම්බන්ධයෙන් විවාදයකට පැමිණෙන්නැයි රජයේ මැති ඇමැතිවරුන් කළ අභියෝගය නොපිළිගැනීම නිසා එම ගනුදෙනුවලට අදාළ ලිපි ලේඛන ඊයේ (05) පාර්ලිමේන්තුවට ඉදිරිපත් කෙරිණ.

එම ලිපි ලේඛන පාර්ලිමේන්තුවට ඉදිරිපත් කරමින් රජයේ මැති ඇමැතිවරුන් වන රාජිත සේනාරත්න, මහින්දානන්ද අලුත්ගමගේ, විමල් වීරවංශ මහත්වරු අවි ගනුදෙනු පිළිබඳ විවාදයකට පැමිණෙන්නැයි යළිත් අභියෝග කළහ.

සරත් ෆොන්සේකා මහතාගේ බෑනා වන ධනුන තිලකරත්න මහතාගේ හයිකොප් ඉන්ටර්නැෂනල් සමාගම අවි ගනුදෙනු සඳහා ඕස්ට්‍රේලියාවේ ස්ථාපිත කර ඇති බ්‍රිටිෂ් බෝනියෝ ඩිෆෙන්ස් සමාගමේ ලිපි ලේඛන ද ව්‍යාජ ලෙස යොදා ගනිමින් ගෙන ඇති අන්දම සහ ගනුදෙනු හෙළිවීමත් සමඟ අදාළ සමාගම වෙනත් අයකුගේ නමින් ටෙක්සාස්හි ලියාපදිංචි කළ ලේඛන ද පාර්ලිමේන්තුවට ඉදිරිපත් කෙරිණ.

එම සියලු ලිපි ලේඛන සභානායක, සෞඛ්‍ය ආරක්‍ෂණ හා පෝෂණ ඇමැති නිමල් සිරිපාල ද සිල්වා මහතා විසින් සභාගත කරන ලදී.

Saturday, January 2, 2010

තනිකඩව ඉන්න මම කැමැතියි නිරෝෂා පෙරේරා

By: Last Man On: 2:34 PM

ඇය විටෙක රංගන ශිල්පිනියක ලෙස පේ‍්‍රක්ෂක නෙතු මානයේ ආදරණීය සිතුවම් අඳින්නීය. තවත් විටෙක සොඳුරු වදන් සිතිවිලි බවට පත් කරමින් නිවේදිකාවක ලෙස පේ‍්‍රක්ෂක හද සන්තානයෙහි ලැඟුම් ගන්නීය. පුංචි තිරයේත් රිදී තිරයේත් එකසේ සිය දක්ෂතා විදහාපාන දඟකාර, කටකාර, හැඩකාර මේ සොඳුරු රුවැත්තිය නිරෝෂා පෙරේරායි.

Nirosha Perera by Meesha........

‘එකමත් එක රටෙක’ චිත්‍රපටය ඔස්සේත් ‘නිරෝෂයි ඉරෝෂයි’ ‘සිරස’ විචිත්‍රාංගය ඔස්සේත් අතිශය පේ‍්‍රක්ෂක ප්‍රතිචාර ලැබීමට නිරෝෂා වාසනාවන්ත වූවාය.

අලුත් අවුරුද්දත් එක්ක නිරෝෂත් අලුත් වෙලා ද?

ඇත්තටම අලුත් අවුරුද්ද වෙනුවෙන් පහුගිය දවස් ටිකේම ලකලැහැස්ති වුණා. මම නිතරම හිතන දෙයක් තමයි පවුලේ අය එක්ව සමරන නත්තල, අලුත් අවුරුද්ද වගේ සුවිශේෂී අවස්ථාවලදී ඔවුන් සමඟ එකට එක්වී ඒවා සැමරිය යුතුයි කියන එක. මගේ හිත මිත්‍රාදීන්, පවුලේ අය සමඟ බොහොම සතුටින් අලුත් විදිහට අලුත් අවුරුද්ද සැමරුවා.

ඔවුන් වෙනුවෙන් මගේ කාලය, ආදරය කැප කරන්න ලැබීම ගැන මම සතුටු වෙනවා. පසුගිය වසර කිහිපයේම මට ගෙදර අයත් එක්ක යාළු මිත්‍රයො එක්ක නත්තල, අලුත් අවුරුද්ද ගත කරන්න ලැබුණෙ නැහැ. මට මොකක්හරි දෙයක් යෙදෙනවා.

නමුත් මේ වසරේ මම කල්පනා කළා මම ගෙදර සිටිය යුතුයි කියලා. මම කාලවේලා ඇතුව, කාලය කළමනාකරණය කර ගෙන ගෙදර අයත් එක්ක අලුත් අවුරුද්ද සැමරුවා.

[Nirosha+Perera.jpg]

ලබපු අලුත් අවුරුද්දේ ඔබ ඉස්ඉස්සෙල්ලාම දායක වෙන්න බලාපොරොත්තුවෙන් ඉන්න කලා කටයුතු මොනවා ද?

මම මේ වෙනකොට මගේ සමාජ විද්‍යා උපාධියේ වැඩ කටයුතුවල නියැළිලා ඉන්නවා. ඒ කටයුතුත් ඉටු කරගන්න ගමන්ම මට චිත්‍රපට හා ටෙලිනාට්‍ය කීපයකටත් දායක වෙන්න ආරාධනා ලැබුණා. මේවාට දායක වෙනවා ද නැද්ද කියන එක මම තවම තීරණය කරල නැහැ. ඉදිරියේදී මේ ගැන මම තීරණයක් ගනීවි. ඊට අමතරව මගේ නිවේදන කටයුතුවල නිරත වෙනවා.

ඔබ රඟපෑ ‘එකමත් එක රටෙක’ චිත්‍රපටය පසුගිය වසරේ තිරගත වුණා. මේ චිත්‍රපටයේ ඔබ රඟ පෑ රංගනය ගැන මොකද හිතෙන්නේ?

මගේ කලා ජීවිතයේ රඟපෑම සම්බන්ධයෙන් මම ගත්ත ඉතාම හොඳ වැදගත් තීරණයක් තමයි මේ චිත්‍රපටයේ රංගනයට දායක වීම. මට ඒ චිත්‍රපටය ඔස්සේ බොහෝ දේ ඉගෙන ගන්න ලැබුණා. එයින් ම ඉගෙන ගත්ත දෙයක් තමයි අපේ දක්ෂතාවයක් තියෙනවා නම් එයින් නිසි ප්‍රයෝජන ගත යුතුයි කියන දෙය. ඒ වගේ ම අපි කලා ක්ෂේත්‍රයේ දී යම් දෙයක් කරනවා නම් අලුත් දෙයක්, වෙනස් දෙයක් කළ යුතුයි කියන එක. මම මේ චිත්‍රපටය භාරගත්තේ අවුරුදු කීපයක්ම බැහැ කිය කිය ඉඳලා. මම එදා හිතුවා මේ රඟපාන්න සුදුසු කාලය නෙමෙයි කියලා. මොකද මම යමක් කරන්නේ හොඳින් හිතලා බලලා. කාලයක් ගියාට පස්සෙ තමයි මම තීරණය කළේ මෙය මට කරන්න පුළුවන් චරිතයක් කියලා.

ඔබට ලැබුණු පේ‍්‍රක්ෂක ප්‍රතිචාර මොන වගේ ද?

ප්‍රතිචාර නම් ඉතාම ඉහළයි. නමුත් මම රඟපෑවේ මගේ චරිතයට ප්‍රශංසා ලැබෙයි ද, හොඳ කියයි ද, නරක කියයි ද කියන දේ බලාගෙන නෙමෙයි. මම හිතට හරි දේ කරනවා. මට දෙයක් අඩුවෙන් ලැබෙයි, වැඩියෙන් ලැබෙයි කියලා මම හිතන්නේ නැහැ. පොදුවේ ගත්තහම විචාරකයන්, පේ‍්‍රක්ෂකයන් මගේ රංගනය ගැනත්, චිත්‍රපටය ගැනත් කියූ දේවල් ගැන මම සන්තෝෂ වෙනවා.

නිළියක ලෙස ඔබට ලැබෙන ඕනෑම චරිතයක් බාරගන්න ඔබ සූදානම් ද?

අපෝ එහෙම නැහැ. හැම චිත්‍රපටයම භාරගත්ත නම් මේ වෙන කොට මම චිත්‍රපට ගණනාවකම රඟපාලා. මම ජීවිතේ හැම දේකදීම, ලැබෙන හැම දෙයක්ම බාර ගන්න කෙනෙක් නෙමෙයි. තෝරල බේරල, පිටපත කියවලා මට යමක් කරන්න පුළුවන් චරිතයක් විතරයි මම භාර ගන්නේ. මගේ කැමැත්ත, ආශා, ඉතාම සීමිතයි. මට දැඩි අවශ්‍යතා, බලාපොරොත්තු නැහැ. ඒ නිසා තමයි මම අද සතුටුදායක ජීවිතයක් ගත කරන්නේ.

විවාහ වීමට බලාපොරොත්තුවක් නැද්ද?

විවාහය සම්බන්ධයෙන් නම් තවම අදහසක් නැහැ. මම කැමැතියි වැඩි කාලයක් තනිකඩව ජීවිතය ගත කරන්න. විවාහය ප්‍රමාද වන තරමට මගේ පවුලේ අයත් එක්ක ජීවත් වෙන්න, මගේ නිදහස උපරීමයෙන් භුක්ති විඳින්න මට පුළුවන්.

ඔබේ අනාගත බලාපොරොත්තු ?

මට කලාවේ මෙතනට යන්න ඕන, මෙතන ඉන්න ඕනෙ කියන බලාපොරොත්තු නැහැ. නමුත් අසරණ වැඩිහිටි මව්පියන් වෙනුවෙන්, අනාථ දරුවන් වෙනුවෙන් නිවාසයක් හදන්න බලාපොරොත්තු වෙනවා.

නිරෝෂාගේ ලිපිනය.
නො. 92, 9 වැනි පටුමග, අරලිය උයන,
දෙපානම, පන්නිපිටිය.

Friday, January 1, 2010

Cricketer Maharoof's Wedding Photo's

By: Last Man On: 4:36 AM