Thursday, December 31, 2009

නිතරම පෙනෙන කෙනෙක් වෙන්න මම කැමති නෑ - හසිනි ගෝනගල

By: Last Man On: 2:09 AM



Hashini Gonagala Wallpapers - Upcoming Actress and Dancer


හසිනි ගෝනගල අප අතරට මුලින්ම පැමිනියේ සිරස ඩන්සින් ස්ටාර් තරඟයෙන් දුෂ්ශන්ත වීරමන් ගේ නර්තන සහ කාරිය ලෙසිනි. පසුව ඇය විවිධ කලා නිර්මාණ තුලින් අප අතරට ආවාය.

හසිනි, මොනවද මේ දවස් වල කරන්නෙ?

ඩාන්සින් තමයි වැඩිපුර. ඊට අමතරව ඇඳුම් නිර්මාණ

රඟපෑම?

උත්තරා චිත්‍රපටයේ රඟපෑවා. එය ට ලැබෙන ප්‍රතිචාර අනුව රඟපෑම දිගටම කරනවද කියලා හිතලා බලනවා

ගුරු වරියක් වෙලා නේද?

ඔව්. දුෂ්ශන්ත්තුයි මායි ඩාන්සින් පන්තියක් පටන් ගත්තා . ළමයි ගොඩක් ඉන්නවා

Tuesday, December 29, 2009

මට අක්කා හැම තිස්සෙම රඟපාන්න කතා කරනවා - පූර්ණිකා පීරිස්

By: Last Man On: 1:18 PM
මේ දවස් වල මොනවද කරන්නෙ?

ලක්ස් රුවැත්තිය තරඟය තිබුණා. එහි නිවේදන කටයුතු කරනවා.

නිවේදන කටයුතු වලටම හිර වෙලාද?

වෙලාව මදි කම නිසා වෙනත් වැඩසටහන් වලට යොමු වෙන්න අමාරුයි.

අක්කට (චතුරිකා පීරිස්) වගේ රඟ පාන්න අදහසක් නද්ද?

ලොකු බලාපොරොත්තුවක් නැහැ.හොඳ අවස්ථාවක් ලැබුනොත් කරන්න හිතෙනවා.

ඔයා රඟපානවට චතුරිකා කැමතිද?

ඔව්. ඇත්තටම කතා කරනවා. නමුත් කාර්ය බහුල නිසා සම්බන්ධ වෙන්න අමාරුයි.

Monday, December 28, 2009

ශ්‍රී ලංකා ක්‍රිකට කණ්ඩායම තෝරන්නේ ගෑණුලු

By: Last Man On: 5:44 AM
ශ්‍රී ලංකා ක්‍රිකට තොරනු ලබන්නේ ක්‍රිකට් තෙරීම් කමිටුව විසිනි. එහෙත් දැන් එම රජකාරිය කෙරෙන්නේ ක්‍රිකට් කණ්ඩායමේ ජේෂ්ඨ ක්‍රීඩකයින් ගේ බිරින්දෑ වරුන් ගේ ඕනෑ එපාකම අනුව බව පැවසේ. ජේෂ්ඨ ක්‍රීඩකයින් ගේ බිරින්දෑ වරුන් කරගෙන යන මෙම ව්‍යාපාර ට අනුව ජේෂ්ඨ ක්‍රීඩකයින් කණ්ඩායම තුල ක්‍රියා කිරීම නිසා, මෙමෙ ව්‍යසනය ඇති වී ඇති අව වාර්තා වේ. මෙමඟින් තේරීම් කමිටුවද අපහසු තාවයට පත්වී ඇති බව වාර්තා වේ. මෙයට මූලික වී ඇති අය වන්නේ ජේෂ්ඨ ක්‍රීඩකයකුගේ බිරිඳ සහ ඇගේ දරුවන් බලා ගැනීමට එන තවත් ක්‍රීඩකයකුගේ බිරිඳක් බව පැවසේ. ශ්‍රී ලංකා කණ්ඩායමේ අසාර්තක බවට මෙයද හෙතුවක් වී ඇත. enews

Friday, December 25, 2009

සනත් ගේ ජාත්‍යන්තර ක්‍රිකට් දිවියට අදට වසර විස්සයි

By: Last Man On: 11:26 PM

එක් දින ක්‍රිකට් ලොව උඩු යටිකුරු කළ සිංහනාදය

සනත් ගේ ජාත්‍යන්තර ක්‍රිකට් දිවියට අදට වසර විස්සයි

ක්‍රිකට් ඉතිහාසයට විශ්මිත ප්‍රහාරාත්මක ක්‍රීඩා රටාවක් එක්කළ ලෝක ප්‍රකට පිතිකරු සනත් ජයසූරිය අන්තර්ජාතික ක්‍රිකට් බිමට පිවිස අදට වසර 20 ක් සපුරයි.

ජීවිත කාලයේ හරි අඩක්ම ක්‍රීඩා පිටියට කැප කළ මේ විශිෂ්ඨ ක්‍රීඩකයා ලෝක සිතියමේ කුඩා රට ගැන විශාල අවධානයක් ඇති කිරීමට සමත්වෙමින් වරෙක ලොව වටිනාම ක්‍රිකට් ක්‍රීඩකයාට හිමි සම්මානය ද දිනා ගත්තේය.

ක්‍රිකට් පිටියේ වාර්තා පිට වාර්තා බිහි කළ සනත්ගේ මුල්ම එක්දින අන්තර්ජාතික තරගය වූයේ 1989 දෙසැම්බර් 26 දා ඔස්ට්‍රේලියාවට එරෙහිව මෙල්බර්න් පිටියේ දීය.

ක්‍රිකට් ක්‍රීඩා ලෝකයේ ගෞරවයට හා ආදරයට පාත්‍ර වූ සනත් ක්‍රීඩාවට සම්බන්ධ නිකැලැල් චරිතයකින් හෙබි නිහතමානී අයෙකි. ජය පරාජ දෙක මැද දැඩි ලෙස සටන් කළ සනත් ඕනෑම මොහොතක නැගී සිටිය හැකි ක්‍රීඩකයෙකු ලෙස විචාකරයන් හැඳින්වූහ.

ක්‍රිකට් ක්‍රීඩාවට කලාතුරකින් පහළවන තුන් ඉරියව් ක්‍රීඩකයෙකු ලෙස ජාත්‍යන්තර ක්‍රිකට් ප්‍රවීනයන්ගේ හා විචාරකයන්ගේ පැසසුමට ලක්වූ සනත් කිසිවෙකුට සමකළ නොහැකි දක්ෂතා ඇති ක්‍රීඩාවේ ජීවය ලෙසද හැඳීන්විය.

ඩන්ස්ටන් ජයසූරිය හා බ්‍රීඩා ජයසූරියගේ දෙවැනි පුතුවූ සනත් ටෙරාන් ජයසූරිය මාතර සාන්ත සර්වේශස් විදුහලෙන් බිහිවූ සුපිරි තරුවකි. එකම අයියා චන්දන ජයසූරියයි. බිරිඳ සැන්ඩ්‍රා දියනියන් දෙදෙනාවන කේෂානි, යලින්දි හා පුතු රනුක සනත්ගේ පවුලේ සාමාජිකයෝ වෙති.

ශ්‍රී ලංකාවට ලෝක ක්‍රිකට් කිරුළ හිමිවූ 1996 ලෝක ක්‍රිකට් තරගාවලියේ දී ලොව වටිනාම ක්‍රිකට් ක්‍රීඩකයා ලෙස සම්මානයට පාත්‍ර වූයේ සනත් ජයසූරියයි. තරගයක මුල් ඕවර් කිහිපයේ දී ප්‍රචණ්ඩ ලෙස පහරදීමේ තාක්ෂණය ක්‍රිකට් පිටියට එක්කළ ක්‍රීඩකයා ලෙස සනත් ජයසූරිය ඉතිහාසයට එක්කරමින් එම සම්මානය ඔහුට හිමිවිය.

1988 දී ශ්‍රී ලංකාවේ හොඳම පිටපළාත් පාසල් ක්‍රිකට් ක්‍රීඩකයා සම්මානය දිනාගත් සනත් 1997 දී විස්ඩන් ක්‍රිකට් ක්‍රීඩකයා සම්මානයද දිනාගත්තේය. 1999 දී ශ්‍රී ලංකා පිලේ නායකත්වයට පත්වූ සනත් ලොව වැඩිම එක්දින තරග ප්‍රමාණයකට සහභභාගිවූ ක්‍රීඩිකයා ලෙස වාර්තාවක්ද බිහි කළේය.

එමෙන්ම එක්දින ක්‍රිකට් ලොවේ වැඩිම හයේ පහර එල්ල කරමින් වාර්තාවක් බිහි කළේය. එංගලන්තයේ සුප්‍රකට මෙරලිබෝන් (එම්.සී.සී) ක්‍රීඩා සමාජයේ නායකයා බවට පත්වූ මුල්ම ශ්‍රී ලාංකිකයා ලෙසද සනත් ඉතිහාසයට එක්වූයේය.

ක්‍රීඩා ලෝකයේ වසර 20ක් සපුරා මවුබිමට කීර්තියක් අත්කර දුන් සනත්ට ක්‍රීඩා ලෝලීන්ගේ ගෞරවය හා ආදරය තවදුරටත් නිසැකවම හිමිවනු ඇත.

සනත් ටෙරාන් ජයසූරිය

* උපත - 1969 ජූනි 30
* ක්‍රීඩා සමාජ - බ්ලුම්ෆීල්ඩ්, සී.සී.සී., එංගලන්තයේ එම්.සී.සී., සමර්සෙට්, මුම්බායි ඉන්දියන්, රුහුණු පිල
* ප්‍රථම එක්දින තරගය 1989 දෙසැ. 26 ඔස්ට්‍රේලියාවට එරෙහිව මෙල්බර්න්හිදී
* ප්‍රථම ටෙස්ට් තරගය 1991 පෙබ. 22-26 නවසීලන්තයට එරෙහිව හැමිල්ටන්හිදී
* එක්දින තරග 443
* ටෙස්ට් තරග 110



සනත්ගේ අන්තර්ජාතික එක්දින තරග ඉතිහාසය

* ප්‍රථම තරගය
1989 දෙසැ: 26 දා ඔස්ට්‍රේලියාවට එරෙහිව මෙල්බර්න්හිදී.
* තරග 443
* ඉනිම 431
* නොදැවීම් 18
* ලකුණු 13397
* වැඩිම 189
* සාමාන්‍ය 32.43
* ශතක 28
* අර්ධ ශතක 68
* හතරේ පහර 1495
* හයේ පහර 270
* උඩ පන්දු 123
* කඩුලු 322
* හොඳම පන්දු යැවීම 26/6
* 1996 ලොව වටිනාම ක්‍රිකට් ක්‍රීඩකයා

ටෙස්ට් පිටියේ කළ මෙහෙවරට ජනාධිපතිතුමාගෙන් තිළිණයක්

පියා ඩන්ස්ටන් හා මව බ්‍රිඩා මහත්ම මහත්මීන්
සනත්ගේ ක්‍රීඩා දිවියෙහි රසවත් මතකය අතර.


1996 ලෝක ක්‍රිකට් තරගාවලියේ දී ලොව වටිනාම ක්‍රිකට් ක්‍රීඩකයා ලෙස සම්මානයට පාත්‍ර වූ අවස්ථාව

බිරිඳ සැන්ඩ්‍රා, කේෂානි, යලින්දි හා පුතු රනුක

Thursday, December 24, 2009

Wednesday, December 23, 2009

ජෙනරාල් වත්කම් හෙළිකරයි

By: Last Man On: 12:50 PM
File:General Sarath Fonseka.jpgබැංකු ගිණුමක්, නිවසක් සහිත ඉඩමක්, හිස් ඉඩම් දෙකක් සහ මර්සිඩීස් බෙන්ස් රථයක් හැර වෙනත් කිසිදු වත්කමක් තමන් සතුව නැතැයි ජනාධිපතිවරණයේ නිර්පාක්ෂික පොදු අපේක්ෂක ජෙනරාල් සරත් ෆොන්සේකා මහතා සිය වත්කම් බැරකම් ප්රකාශයේ සඳහන් කර ඇත.

තවත් බැංකු ගිණුම් හතරක් සහ රුපියල් දහසය ලක්ෂ අනූදෙදහසක් (රු.1692000) වටිනා ස්වර්ණාභරණ තම බිරිය සතුව ඇතැයි ද ජෙනරාල් ෆොන්සේකා මහතා තම වත්කම් බැරකම් ප්රකාශයේ වැඩිදුරටත් සඳහන් කර ඇත.

ජෙනරාල් සරත් ෆොන්සේකා මහතා තම වත්කම් බැරකම් ප්රකාශය ජනාධිපතිවරණ නාමයෝජනාව සමඟ පෙරේදා (17 දා) මැතිවරණ කොමසාරිස්වරයාට බාර දුන්නේය.

ඉන් අනතුරුව පෙරේදා සිය මැතිවරණ ප්රචාරක ව්යාපාරය අරඹමින් මහනුවරදී පැවැති උත්සවයකදී තම ජාතික ප්රතිඥව රට හමුවේ තැබූ ෆොන්සේකා මහතා තමන්ගේ වත්කම් බැරකම් ප්රකාශය ද මහා සංඝරත්නයට හා ජනතාවට පිළිගැන්වීය.

ජනාධිපති වූ පසු සෑම වසරකම ජනවාරි 27 වැනිදා තමන්ගේ වත්කම් බැරකම් ප්රකාශය ජනතාවට ඉදිරිපත් කරන බවට ජෙනරාල් සරත් ෆොන්සේකා මහතා මහනුවරදී ප්රතිඥ දුන්නේය.

තම බැංකු ගිණුමේ රුපියල් හයලක්ෂ හතළිස් එක්දහස් තුන්සිය පනහයි ශත අසූඅටක් ද (රු.6,41000 යි ශත 88) ද බිරිඳ සතු බැංකු ගිණුම් පහක රුපියල් විසිතුන්දහස් තුන්සිය හතයි ශත හතළිස් හතක් (රු.23307 යි ශත 47 ක්) සහ ඇමරිකානු ඩොලර් 2952 ක ශේෂයක් ද ඇතැයි සරත් ෆොන්සේකා මහතා කියා සිටියි.

මීට අමතරව පිළියන්දල ප්රදේශයේ තමන් සතු පර්චස් 15.2 ක නිවස සහිත ඉඩම රාජ්ය උකස් හා ආයෝජන බැංකුවට ඇපයට තබා ණය මුදලක් ලබාගෙන ඇතැයි ද එම ණය මුදලේ වර්තමාන ශේෂය රුපියල් හැත්තෑපන්දහස් හයසිය අනූහතරක් (රු.75694) ක් බව ද සරත් ෆොන්සේකා මහතා කියා සිටියි.

විශ්රාමික ආරක්ෂක මාණ්ඩලික ප්රධානී වශයෙන් තමන්ට නියමිත විශ්රාම වැටුප මෙතෙක් ලැබී නොමැති නිසා තම මාසික වැටුප සඳහන් කිරීමට හැකියාවක් නැතැයි ද ජෙනරාල් ෆොන්සේකා මහතා සිය වත්කම් බැරකම් ප්රකාශයේ සඳහන් කර ඇත.

Monday, December 21, 2009

එජාප පාර්ලිමේන්තු මන්ත්‍රී දයාසිරි ජයසේකර නිළියන් සමඟ නටයි

By: Last Man On: 1:58 PM

See full size image

එජාප පාර්ලිමේන්තු මන්ත්‍රී දයාසිරි ජයසේකර මහතා ස්වර්ණවාහිනිය මඟින් පවත්වන "මෙගා ස්ටාර්" වැඩසටහනට සහභාගී වේ. මෙමෙ වැඩ සටහන නර්තන හා ගායන වැඩ සටහනකි. මෙහිදී ඔහු ජනප්‍රිය නිළියන් සමඟ නටයි. ඔහු කලාවට තිබෙන ආදරය නිසා මෙමෙ තරඟයට සහභාගී වූ බව පැවසීය. ඔහුගෙ සොයුර වන කිත්සිරි ජයසෙකරද ජනප්‍රිය ගායකෙයෙකි. බොහෝ විට දයාසිරි මන්ත්‍රී වරයා "මෙගා ස්ටර්" කිරුළ දිනා ගනු අතැයි බොහෝ අය ප්‍රකාශ කර ඇත.

Saturday, December 19, 2009

මගේ කැමත්ත - මුතු තරංගා

By: Last Man On: 4:33 PM

මම
හැමෝම එක්‌ක සතුටින් සමාදානයෙන් ඉන්න කැමැති කෙනෙක්‌

මගේ ජීවිතයට වඩාත්ම සමීප
මම

මගේ ජීවිතයේ වැඩියෙන්ම සතුටුවුණු දවස
තවම නැහැ

දුක්‌වුණු දවස
මම ආදරය කරපු ඇන්ටි කෙනෙක්‌ නැතිවීම

විනෝදාංශය
ගීත ගායනය


මම කැමති චිත්‍රපටය

අග්නිදාහය

මම කැමැති ගායකයා
ජෝතිපාල

මම සිත්ගත් පොත
නිහාර කියන නව කතාව

මම වැඩිපුර යන්න කැමැති
රාගම තේවත්තේ පල්ලියට

මගේ ජීවිතයේ සිහිනය
හොඳ විවාහ උත්සවයක්‌ ගන්න

මම වැඩියෙන් අඳින්න කැමැති
හැට්‌ටය සහ සාය

මම කැමැතිම ක්‍රීඩාව
නෙට්‌බෝල්

මම කැමැතිම නළුවා
ගාමිණී ෆොන්සේකා

මම කැමැතිම නිළිය
ස්‌වර්ණා මල්ලවආරච්චි

මම කැමැතිම ගායිකාව
සුජාතා අත්තනායක

Thursday, December 17, 2009

පුංචි තිරයේ අහිංසකාව නිල්මිණි තෙන්නකෝන්

By: Last Man On: 1:58 PM

පුංචි තිරයේ අහිංසකාව නිල්මිණි තෙන්නකෝන්

ආදරයේ වටිනාකම, අගය කෙනෙකුට වැඩියෙන්ම දැනෙන්නේ ඒ ආදරයේ උණුසුම අහිමි වුණාට පස්සේ. ඒත් ආදරය කියන්නේ සිර කරලා, විලංගු දාලා එක තැනක තියා ගන්න පුළුවන් දෙයක් නොවේ. හරියට අත්තෙන් අත්තට පනින පුංචි කුරුල්ලෙක් වගේ.

ඒ වගේම ජීවිතයක වටිනාකමක් තදින්ම අපේ සිතට දැනෙන්නේ මරණයේ දොරටුව ළඟදි කියලා මම අහලා තියෙනවා. ඒ අත්දැකීමට මුහුණ දුන් කෙනෙකුට හුස්ම පොදක අගය වදන් දහසකින්වත් කියා ගන්නට බැරිව ඇති.

හැබැයි ජීවිතය කියන්නේ සිනා සාගරයක්වත්, කඳුළු උල්පතක්වත් විතරක් නෙවේ. මේ දෙකේම අපූරු සංකලනයක්. ජීවිතය දිගු හසරැල්ලක් වෙනවාට වඩා පුංචි පුංචි කඳුළු කතා ඒකට එකතු වුණාම තමයි අපි හැබෑවටම ජීවත් වෙනවයි කියන සුන්දර හැඟීම සිතට දැනෙන්නේ.

ඒ ජීවිතයත්, ආදරයත් ගැන ඉතාම සරලව මට හිතෙන හැටි. මා එක්ක එකඟ වන අය වගේම නොවන අයත් ඉන්න පුළුවන්. ඒත් මේ මට හිතෙන හැටි. ඒ සිතිවිල්ලට නිමිත්ත වුණේ පුංචි තිරයේ අහිංසකාව, ජනපි‍්‍රයත්වයෙන් මෙන්ම විශිෂ්ටත්වයෙන් ද පිරිපුන් අපේ ආදරණීය නිළිය නිල්මිණි තෙන්නකෝන් ගැන ලියන්නට සැරසෙන මේ ලිපිය.

ඉතිං, කොහොම ද නිල්මිණි මොනවද අලුත් තොරතුරු ........?

කවදත් ළෙන්ගතු සිනහව අදත් නොවෙනස්ව ඈ වතෙහි දිදුළන්නේ අපේ කතාබහට සොඳුරු ආරම්භයක් ලබා දෙමින්.....

කියන්න තරම් වරදක් නැහැ. සතුටෙන් ඉන්නවා. පසුගිය කාලේ මම ටෙලි නාට්‍යය කිහිපයකම රූගත කිරීම් අවසන් කළා. සසර සරණී, හිතුවක්කාරි, දිය යට ගිනි, සහ තවත් ටෙලි නාට්‍යයකට මම රංගනයෙන් දායක වුණා.ඒවා ඉදිරියේදී විකාශය වීමට නියමිතයි.

මොන වගේ චරිත ද ඔයාට රඟපාන්න ලැබුණේ ?

“සසර සරණී” ටෙලි නාට්‍යයේ මම රඟපාන්නේ දසසිල් මැණියකුගේ චරිතයක්. එතකොට ‘හිතුවක්කාරී’ ටෙලි නාට්‍යයේ වලං හදන, දුක්බර ජීවිතයක් ගත කරන කාන්තාවකගේ චරිතයක් මම නිරූපණය කළා. “දිය යට ගිනි”ටෙලි නාට්‍යයේ චරිතය මේ දෙකටම වෙනස්. ඒක රහස් පරීක්ෂක කතාවක්. රූමත්, විවාහක කාන්තාවකගේ චරිතයක් මට එහි රඟපාන්න තිබුණේ. ඒකේ කතාව කියන්න හොඳ නැහැ. එහෙම වුණොත් අපරාදේ.

තවත් ටෙලි නාට්‍යයක මම රඟපෑවා. නමුත් ඒකට තවම නිශ්චිත නමක් යොදා නැහැ. මම හිතන්නේ ඒ චරිතය මගේ රංගන ජීවිතයේ විශාල පෙරළියක් වේවි. ජීවිතයේ අනන්ත දුක් ගැහැට විඳ දරා ගෙන ජීවත් වෙන්න උත්සාහ දරන කාන්තාවකගේ භූමිකාවක් එය. අවසානයේදී ඇයට පිස්සු හැදෙනවා. ඉතාමත් ආසාවෙන් මම ඒ චරිතය කළේ.

නිල්මිණි, ලැබෙන හැම ආරාධනාවක්ම පිළිගන්නවා ද?

නැහැ, ඇත්තටම මම එදා ඉඳන්ම රඟපෑවේ තෝරා බේරාගෙන. අදටත් ඒකේ වෙනසක් නැහැ. ඒ නිසා ඇතැම් ටෙලි නාට්‍යය මට ප්‍රතික්ෂේප කරන්න වුණා. නමුත් තවත් පැත්තකින් අපට අසාධාරණයක් වෙනවා. අපි රඟපාන ටෙලි නාට්‍යය විකාශය වෙන්න අද නාළිකාවක්, විකාශන කාලයක් නැහැ.

මට වුණත් නිෂ්පාදන කටයුත්තකට අත ගහන්න ලොකු වුවමනාවක් තියෙනවා. අපිට බෙල්ට් එකක් නැහැ. අන්තිමට ඉනට දාන බෙල්ට් එකක් තමයි හොයා ගන්න වෙලා තියෙන්නේ. මේක මට විතරක් වුණ අසාධාරණයක් නෙවෙයිි. ටෙලි නාට්‍යය ක්ෂේත්‍රයේ ගොඩ දෙනෙකුට මේ ප්‍රශ්නය තියෙනවා.

ඔය කියන්නේ මෙගා ටෙලි නාට්‍යය නිසා ඒ ඉඩකඩ ඇහිරුණා කියල ද?

මේ ක්ෂේත්‍රයේ අත්දැකීම් බහුල, නිළියක් හැටියටයි මම කතා කරන්නේ. ඇත්තෙන්ම අධ්‍යක්‍ෂවරුන්ට විශාල අසාධාරණයක් වෙනවා මේ මෙගා ටෙලි නාට්‍යය නිසා. ඒ වගේම නිෂ්පාදකයන්ට පවා.

දැන් මමත් භාගයක් මුදල් යොදවා කළ ටෙලි නාට්‍යයක් තියෙනවා. නමුත් විකාශය කරන්න බෙල්ට් එකක් නැහැ. අපි මේක ජනාධිපතිතුමාටත් කිව්වා. ඇත්තෙන්ම මේ ටෙලි නාට්‍යය එක්තරා රූපවාහිනී නාළිකාවකින් පවා අනුමත කළා. නමුත් ඔවුන්ගේ මෙගා ටෙලි නාට්‍යය නිසා අරක දිහා හැරිලාවත් බලන්නේ නැහැ.

එතකොට ඔයා රඟ පෑ “දූ - දරුවෝ “ අපේ දීර්ඝ ටෙලි නාට්‍යය රැල්ලේ ආරම්භය කියලා කෙනෙක් තර්ක කළොත්.....?

ඔව් “දූ දරුවෝ” මෙගා ටෙලි නාට්‍යයක් තමයි. ඒත් ඇත්තෙන්ම එතන තිබුණේ කලාවක්. අනෙක තවත් ටෙලි නාට්‍යය විකාශය කරන්න ඕනෑ තරම් බෙල්ට්ස් තිබුණා. “දූ දරුවෝ” විකාශය වුණේ සතියකට එක වතාවයි. අද සමාජය, ලෝකය, තාක්ෂණය දියුණු වෙලා. මේ ක්ෂේත්‍රයට යොමු වෙලා ඉන්න පිරිස වැඩියි. ඒ අතරේ අහිංසක නිෂ්පාදකවරු, අධ්‍යක්ෂවරු ඉන්නවා. ඔවුන් රැක ගන්න නම් අපි මේ මෙගා ටෙලි නාට්‍යය රැල්ලට එරෙහිව වැට බඳින්න ඕනෑ.

ඒ කතාවට තිබෙන පදනම මොකක්ද.......?

මෙගා ටෙලි නාට්‍ය වල කිසිම අර්ථයක් නෑ. ඒ වගේම නළු නිළියන්ගේ රංගනයේ කිසිම සුවිශේෂී බවක්, හැකියාවක් ඉස්මතුවීමක් මා දැක නැහැ.

නමුත් මේ මෙගා ටෙලි නාට්‍යය කර්මාන්ත නිසා යැපෙන විශාල පිරිසක් අද ඉන්නවා. සමහරෙකුගේ ජීවනෝපාය වෙලා තියෙන්නේ මෙගා ටෙලි නාට්‍ය....?

ජීවනෝපාය කියලා මේ වගේ දේවල්වලට සම්බන්ධ නොවී එහෙනම් එයාලට කඩයක් දාගන්න තිබුණා. ඒක තමයි හොඳම දේ, කලාව බිස්නස් එකක් කර ගන්න හොඳ නෑ.

එතකොට ඔයා කවදාවත් මේක බිස්නස් එකක් කරගත්තේ නැහැ....?

අපෝ නැහැ. කවදාවත් නැහැ. අපි නිකං ගිහින් රඟපාලා තියෙනවා. ඒ අපි ටෙලි නාට්‍ය කලාවට ආදරය නිසා. මම ටෙලි නාට්‍ය ක්ෂේත්‍රයට එක්වුණේ ඩී.බී. නිහාල්සිංහයන්ගේ “දිමුතු මුතු” ටෙලි නාට්‍යයෙන්. ඉන් පසු මට ප්‍රවීණ අධ්‍යක්ෂවරුන් රැසක් යටතේ රඟපාන්න අවස්ථාව ලැබුණා. අපි ඒ අයගෙන් බොහෝ දේ ඉගෙන ගත්තා. ගුරු හරුකම් ලැබුණා අපට. ඒ බොහෝ දෙනෙක් අද මේ කලාවෙන් ඈත් වෙලා. දැන්වත් මෙගා නවත්වන්න ඕනෑ.

අද බොහෝ තරුණ තරුණියන් රංගනයට යොමුවෙලා ඉන්නවා. ඒ බොහෝ දෙනෙක් ප්‍රේක්‍ෂක අවධානය දිනා ගන්නේ, ජනපි‍්‍රයත්වයට පත් වෙන්නේ මේ මෙගා ටෙලි නාට්‍ය හරහා. ඔවුන්ට කියන්න විශේෂ යමක් තියෙනවා ද?

අපි මේ යම්කිසි දෙයක් රඟපෑම ගැන ඉගෙන ගත්තා නම් ඉගෙන ගත්තේ චරිත රාශියක් කරලා. විවිධාකාර චරිත අපට ලැබුණා. දැන් ඉන්න ළමයින්ට ඒ වගේ චරිත ලැබෙනවද? එවෙලේ ලියලා දෙන තිර පිටපත්වලට තමයි ඒ අය ගොඩක් වෙලාවට තමුන්ගේ රඟපෑම් ඉදිරිපත් කරන්නේ. ලොකේෂන් එකට ඒ කොලේ අරන් ආපුවාම අර ළමයි ඒක බලාගෙන ඇක්ට් කරනවා. ඒ අය වැඩි දෙනෙක් සෙට් එකේ ඉන්නේ ඒ ගොල්ලන්ගේ ජංගම දුරකතනයන් එක්ක. ඉතින් මේක තමයි චරිතය කියලා අර කොළේ දුන්නම ඒ අය කෙහොමද රඟපාන්නේ.

“දූ - දරුවෝ “ වගේ ටෙලි නාට්‍යයක් එක්ක සංසන්දනාත්මකව බලද්දී අද හැදෙන ටෙලි නාට්‍ය ගැන නිල්මිණිට මොකද හිතෙන්නේ.......?

අම්මෝ, විශාල වෙනසක්. ඒවායේ හිටියේ දැවැන්ත නළු, නිළියන්. සෝමවීර සේනානායක ගේ පිටපත, නාලන් මෙන්ඩිස්ගේ අධ්‍යක්ෂණය. ඒ සුසංයෝගයෙන් තමයි මේ ටෙලි නාට්‍යය නිර්මාණය වූණේ. මට තාම මතකයි දීප්තීගේ චරිතයට අවශ්‍ය වුණේ කොට කොණ්ඩයක්. මට විග් එකක් දාන්නයි මුලදී අදහස තිබුණේ. සන්ධ්‍යා මෙන්ඩිස් මහත්මිය ළඟට මාව එක් කරගෙන ගියා.

එතන දී මම ඇහුවා, විග් එකක් නොදා මගේම කොණ්ඩෙ කොට කරලා පෙන්නන්න ද කියලා. මම එවෙලේ හදලා පෙන්නපු කොණ්ඩේ තමා ‘ දූ – දරුවෝ “ එසේ අනුමත කළේ. කොටස් දෙසීයක් යනකල් ඒ කොණ්ඩේ හැමදාම දාගත්තේ මම. අවුරුදු ගාණක් ඒ වැඩේ කළා මේකප් ආටිස්ගේ උදවු නැතිව. ඒකේ පළමුවැනි දර්ශනය රූගත කළාට පස්සේ සෝමවීර සේනානායකයන් ඒක නැරඹුවා. බලලා කිව්වේ මොකක් ද නිල්මිණි ගේ සීන්ස් රී ෂූට් කරන්න කියලා.

ඇයි ඒ......?

මොකද දීප්තිට කවදාවත් ටයිට් ජීන්ස් අඳින්න බැහැ. එයාගේ ඔළුවේ හිටියේ සුදු ෂර්ට්, බාච්චු කලිසම් ඇඳ ගත්තු කෙල්ලක්. නිල්මිණි ගේ ඇෙඟ් තියෙන හැඩේ පෙන්නන එපා. ඒ චරිතෙ වැටෙනවා එහෙම වුණොත්. එයා හැඩට අඳින කෙනෙක් නෙමේ. බොහොම සරලව අඳින පළඳින කෙනෙක් කියලා සෝමවීර සේනානායකයන් තමන්ට අවශ්‍ය පරිදි දීප්තිගේ චරිතය ලබා ගන්න අපට උපදෙස් දුන්නා. ඒ සීන්ස් නැවත රූගත කළා. මම මේ පොඩි උදාහරණයක් කිව්වේ. අන්න ඒ සහයෝගය, සම්බන්ධය නිසා තමයි දීප්තිගේ චරිතය අර තරම් සාර්ථක වුණේ. අද වගේ එහෙම කැපවීමක් කරයි ද.....?

සමහරු තාමත් ඔයාට කතා කරන්නේ දීප්ති කියලලු ?

අදටත් ඇත්තටම මට එහෙම කතා කරන අය ඉන්නවා. “දූ දරුවෝ” මතක් කරනවා. අදටත් සැලෝන්ස්වලට ගිහින් අපිට දීප්ති කට් එක දෙන්න කියලා ඉල්ලන තරුණියෝ ඉන්නවා. ඒ කාලේත් දීප්ති කට් කියලා එකක් හැදුණා. ඒ අපි කරපු දේවල්. මම කරපු ගොඩක් ඩ්‍රාමාස්වල ඒ ඒ කාලෙට දාලා තිබුණ හෙයාර් ස්ටයිල්ස් ඉම්ටේට් කළා. ජනපි‍්‍රයත්වය විතරක් නෙවෙයි. මම හිතන්නේ සාර්ථකත්වයත් තිබුණා ඒ චරිතවල. ඒකයි අපිව එයාලා අනුකරණය කළේ.

ඒ එදා, නමුත් අද ඒ වගේ නිවිහැනහිල්ලේ රඟපාන්න පුළුවන් වටපිටාවක් නෙවේ තියෙන්නේ. හැමතැනම කාර්ය බහුලයි. එදා නිල්මිණී තෙන්නකෝන් ගේ ඒ සංවේදී රංගනයන් අදත් අපට දැක බලාගන්න පුළුවන් කියල ද ඔයා කියන්නේ.

අනිවාර්යයෙන්ම. මම පසුගිය කාලේ ටෙලි නාට්‍යය කරද්දී එක සීන් එකක් කළොත් ඊළඟ එකට සූදානම් වෙද්දි පිටිපස්සෙන් ඇවිත් ඉන්නවා ;කාස්ටියුම්ස් අරගෙන. මම කවදාවත් කරන්නේ නැහැ ඒ විදිහට. හදිසිම අවස්ථාවක් තිබ්බොත් හැරෙන්න. කාගෙවත් ප්‍රොඩක්ෂන් එකක ලාබය සඳහා මම මගේ චරිතය පාවා දෙන්නේ නැහැ. සමහරු දවසකට කොස්ටියුම්ස් පහළොවක් විතර මාරු කරලා බිත්තියකට හරි හේත්තු කරලා ෂොට්ස් ටික ගන්නවා පස්සෙ ඩබ් කරනවා කියලා. ඒ වගේ වැඩ මම නම් කරන්නෙම නැහැ.

රඟපෑමේ දී එක් අන්තයකට කොටු නොවී විවිධ පරාසයන් කරා විහිදුණු චරිත රඟපෑමේ අවස්ථා ඔයාට ලැබුණා ද......?

මම හිතන්නේ ඒ අතින් මගේ පරම්පරාවේ මම තරම් වාසනාවන්ත වෙනත් නිළියක් නැහැ. මම රංගනය පටන් ගත්තේ පාසල් කාලේ ඉඳන්. මට අවුරුදු පහළොවක් විතර ඇති එතකොට. බ්‍රහස්පතින්දා, සිකුරාදා දවස්වල ස්කූල් කට් කරලා ඇවිත් තමයි ෂුටිං කළේ. ඉස්කෝලෙන් මට ලොකු කරදරයක් ඇති වුණා එතකොට. ඒ පටන් ගත්ත පටන් ගැනිල්ල මේ වෙනතුරුත් මම විවිධාකාර චරිත තුළින් ප්‍රේක්‍ෂකයන් අතරට ගියා. “ කුමාරයාණනි, “ නිදිකුම්බා මල්” ටෙලි නාට්‍යවල චරිතවල නම්වලින් අදටත් මිනිස්සු මට කතා කරනවා. මට නිල්මිණි තෙන්නකෝන් කිව්වම නොදන්න කෙනෙක් අද නැහැ. එදා තිබුණ ජනපි‍්‍රයත්වය තවමත් මට තියෙනවා.

එතකොට අද ඉන්න ඕනෑම නිළියක් එක්ක ඔයාට තරග කරන්න පුළුවන්.

ඔව්...... ඇත්තටම

කිසිම බයක් නැහැ.

බය නැහැ.

ඇත්තම කිව්වොත් අපි දන්න නිල්මිණි ජීවිතයේ නොයෙක් හැල හැප්පීම්වලට මුහුණ දුන් ගැහැනියක්. ඔයාගේ පෞද්ගලික ජීවිතයට සමාන චරිත කවදාවත් රඟපාලා නැති ද.....?

තියනවා, අනිවාර්යයෙන්ම තියෙනවා. එහෙම ඒවා වගේම ඇතැම් චරිත රඟපෑමට පස්සේ ඒවා මගේ ජීවිතයේ ඇත්තටමත් වෙලා තියෙනවා.

උදාහරණයක් කියන්න බලන්න.....?

ගොඩක් ඒවා. ‘නිදිකුම්බා මල්’, එතකොට ‘ලේ කිරි කඳුළු චිත්‍රපටය ගත්තොත් ඒකේ ලොකු රිය අනතුරක් තියෙනවා. මටත් ඇත්තටම ඒ අත්දැකීමට මුහුණ දෙන්න වුණා. ඒ වගේම මගේ ජීවිතේ සමහර සිද්ධි රඟපෑ චරිත හා සංසදනය වෙලා තියෙනවා. රඟපෑවට පස්සේ, සමහරක් එව්වා මගේ අත්දැකීම් තුළින් චරිතයට ගොනු වෙලා තියෙනවා.

ඇත්ත, මට දැන් ජීවිතය ගැන අලුතෙන් හිතන්න පුළුවන්. ඒ රිය අනතුර ගැන මම මේ දවස්වල පොතක් ලියාගෙන යනවා. ඒ කරුණු ගැන කවුරුත් විශ්වාස කරන එකකුත් නැහැ. මට පුංචි දුකක් තියෙනවා. මගේ රිය අනතුරටත් සමහරක් අය නොයෙකුත් කතා හැදුවා.

ඇත්තටම මම මැරිලා හිටියේ. ඒ මැරිලා හිටිය මටත් ගොඩක් කතා හදලා තියෙනවා සමහරු. මම සහ මගේ හිත දන්නවා මොකද වුණේ කියලා. ඔබ කිව්වා වගේ වෙනස් අලුත් ජීවිතයක් මට ලැබුණා. ඒක මට දෙවියෝ දුන්නේ. මගේ දරුවාව ජීවත් කරවන්න මැරෙන්න එපා. මෙහෙ එන්න එපා මට යන්න කිව්වා. මම ගියා. ඇත්තටම මම උඩින් ගියා . මම සේරම දේවල් දැක්කා.

මේ සියල්ල දැකලා ආපහු ආව කෙනෙක් මම.

ඇත්තටම කියන්නකෝ කොහොම ද දැන් ශ්වේතා දූ .....?

එයා ලයිසියම් ජාත්‍යන්තර විදුහලේ තුන්වැනි ශ්‍රේණියේ ඉගෙනුම ලබනවා. ශ්වේතා ඉගෙනීමට වගේම ගීත ගායනටත් හරිම දක්‍ෂයි. කැමැතියි. හැබැයි එයා කියන්නේ හොඳට ඉගෙන ගෙන ටීචර් කෙනෙක් වෙන්න ඕනෑ කියලයි. චිත්‍රපට, ටෙලි නාට්‍යය කිහිපයකටම එයාල කතා කළා. ඒත් දුව කැමැති වුණේ නැහැ.

හොඳයි.......දැන් නිල්මිණි අලුත් වැඩකට අත ගහලා ඉන්නවා.”මෙගා ස්ටාර්” වැඩ සටහනෙන් ඔයාගේ ගායනා හැකියාවත් රටට පෙන්නන්න අවස්ථාව දැන් උදාවෙලා.....?

ඇත්තටම මෙතන හොඳම ගායකයෙක් හෝ හොඳම ගායිකාවක් බිහි කරන්න නෙවෙයි මේ වැඩ සටහනේ පරමාර්ථය වෙලා තියෙන්නේ. මේක රියැලිටි පෝග්‍රෑම් එකක් ස්ටාර් කෙනෙක් තෝරන. මට අමුතුවෙන් ස්ටාර් කෙනෙක් වෙන්න අවශ්‍ය නැහැ. මම මේ රටේ ස්ටාර් කෙනෙක්. ලංකාවේ තියෙන හැම සම්මාන උළෙලෙකම ජනපි‍්‍රය නිළිය වෙලා තියෙනවා. ස්ටාර් කෙනෙක් වෙන්න මට ආයේ ඕනෑ නැහැ.

නමුත් අපේ ජීවිතවලට හැමදාමත් වෙනසක් අවශ්‍යයි. වැරැදි දෙයක් නොවෙයි නේ මේක. වෙනසක් ඕනෑ නිසා ඒ වෙනසට මම කැමැති වුණා. ගොඩක් අය මට දොස් කියනවා අදටත් මේකට ගියා කියලා. නමුත් මම හිතනවා මෙතනදි අපට හානියක් වෙන්න නැතිව යම්කිසි වෙනසක් කරන්න හැකිවේවි කියලා.

By: Last Man On: 9:56 AM

අර්ජුන රණතුංග" පොදු අපෙක්ෂකයා වන හිටපු හමුදාපති "ජනරාල් ෆොන්සෙකා" ට

By: Last Man On: 2:43 AM

Arjuna Ranatunga

එක්සත් ජනතා නිදහස් සංවිධානයේ මන්ත්‍රී වරයකු වන "අර්ජුන රණතුංග" එක්සත් ජාතික පක්ෂය සහය දක්වන පොදු අපෙක්ෂකයා වන හිටපු හමුදාපති "ජනරාල් ෆොන්සෙකා" ට සහය දක්වන බව ඉයේ පුවත්පත් සකච්චාවකදී ප්‍රකාශ කළේය. ශ්‍රී ලංකා ක්‍රිකට් නායකයකු වන අර්ජුන රනතුන්ග ක්‍රිකට් නිසා ලබගත් ජනප්‍රිය බව මත ඩෙශපලනයට පිවිසියේය. මුලින්ම කෝට්ටේ සංවිධායක ධූරයෙන් ඉල්ලා අස්වූ අර්ජුන ක්‍රීකට් පලක මංඩලයේ සභාපති ධූරයද අහිමි කර ගත්තේය.

Tuesday, December 15, 2009

සැමියාට පඩමක් උගන්වනවා..වසූදා

By: Last Man On: 2:27 PM
මීනා කුමාරි

ශ්‍රී ලාංකික සිනමා හා ටෙලිනාට්‍ය ක්‌ෂේත්‍රයේ යුග යුග පායන තරු අතුරින් ඇය සුවිශේෂය. සැබෑ ශ්‍රී ලාංකික කාන්තාව නොයෙක්‌ චරිතාංග තුළින් ඉස්‌මතු කිරීම ඇගේ රංගන ශෛලියේ අරමුණයි.

පුංචි තිරයෙත්, සිනමා හා වේදිකාවෙත් ප්‍රේක්‍ෂක රසික සහෘද හදවත් තුළ අභිෂේක ලැබූ ඇය, මීනා කුමාරිය. ඇගේ අලුත්ම සිනමා රංගාභිෂේකය, "කන්‍යාවී" ගැන මෙන්ම මීනාගේ පෞද්ගලික තොරතුරු ගැන දැන ගන්නත් එක්‌ක අපි ඇය හා පිළිසඳරක යෙදුනෙමු.

මීනා... කන්‍යාවී, චිත්‍රපටයට ඔබෙන් ලැබෙන දායකත්වය ගැන මුලින් යමක්‌ කියනවා නම්?

කන්‍යාවී චිත්‍රපටියේ ප්‍රධාන චරිතය වන ඉමායාගේ චරිතයට මම ජීවය දෙනවා. ඉමායා සමස්‌ත ලාංකික කාන්තා පරපුරටම ආදර්ශමත් චරිතයක්‌ හැටියටයි මම දකින්නෙ. සිරිතුංග පෙරේරා අධ්‍යක්‍ෂණය කළ ඉන්දික විඡේරත්න නිෂ්පාදනය කරමින් මෙම චිත්‍රපටිය නිර්මාණය වෙනවා. මේක කාලීන තේමාවක්‌ රැගත් හුඟාක්‌ පවුල් ජීවිත හා බද්ධ වුණු කතාවක්‌. මම මගේ දායකත්වය ඉමායා වෙනුවෙන් උපරිම අයුරින් ඉටු කළා.

"කන්‍යාවී"හි ඉමායා දරා ගැනීමේ ශක්‌තිය පිළිබිඹු කරන චරිතයක්‌. ඉමායාත් පුරුෂාධිපත්‍යයට යටපත් වන්නියක්‌ද?

තම ස්‌වාමියා වෙනත් සම්බන්ධකම් පවත්වා ගෙන යාම නිසා සමාජයේ තනිවන ගැහැනුන් කොතෙකුත් සිටිනවා. ඔහුගේම

රැකවරණය යෑපීම හමුවේ දරුවන් වෙනුවෙන් මෙන්ම සමාජයෙන් සිදුවන අවමානයන්ට බියෙන් ද කාන්තාවන් මෙම ප්‍රශ්නයේදී අනේක වේදනාවන් ද දරා ගෙන සිටිමින් මුණිවත රකිනවා.

එහෙත් ඉමායාට අවශ්‍ය නැහැ එහෙම ඉන්න.... ඉමායා වංශවත්, පොහොසත් පවුලක කාන්තාවක්‌. ඇය සියලු දේ දරා ගන්නෙ ස්‌වාමියා කෙරෙහි දැක්‌වූ ආදරය, සෙනෙහස කැප කිරීම් තවදුරටත් පවත්වාගෙන යාමේ අරමුණෙන්, එවැනි ප්‍රශ්නයකදී ස්‌වාමියා සමග අඩදඹර වෙමින් ජීවිතය ගෙවනවාට වඩා ඔහුගේ වැරැද්ද ඔහුටම අවබෝධ වන අයුරින් කටයුතු කිරීම වඩාත් බුද්ධිමත් දේ බව මෙම චිත්‍රපටියේ කතා තේමාවෙන් මොනවට ප්‍රත්‍යක්‍ෂ වෙනවා. ගැහැනිය මෙම ප්‍රශ්නයේදී මුහුණ දෙන ආකාරය වෙනත් කෝණයකින් බැලීමක්‌.

කන්‍යාවී චිත්‍රපටියේ ඉමායාට මුහුණ දෙන්නට සිදු වූ දේ ඔබට මුහුණ දෙන්නට සිදුවූවා නම්...?

මම ඇයව අනුමත කරනවා. ඇය ගත් තීරණමයි මමත් ගන්නෙ. ඇය මේ ප්‍රශ්නයේදී ඉතා උපේක්‌ෂා සහගතව කල්පනා කරනවා. අඩදඹර, හැලහැප්පීම් වෙනුවට ස්‌වාමි ගෞරවය යහ ගුණයෙන් කටයුතු කිරීම තුළින්ම ඔහුට යළිත් වැරැද්දක්‌ නොකරන්නට පාඩමක්‌ කියා දෙනවා.

මීනා මුලින්ම රංගනයට පිවිසුණේ...?

මම මුලින්ම රඟපෑවෙ ආරියරත්න ඇතුගලයන්ගේ "තුන්බිය" ටෙලිනාට්‍යයෙන්. පරාක්‍රම නිරිඇල්ලගෙ "විල්බැඳි දනව්ව" මෙන්ම "බෝගල සවුන්දරිස්‌", "සුරඟනන් ඇවිත්", "ජීවිතයට ඉඩ දෙන්න", "වසූදා", "පුණරාගමනය" ඇතුළු තවත් ටෙලිනාට්‍ය ගණනාවකට රංගනයෙන් දායක වුණා. සුගතපාල සිල්වාගේ ශාන්තුවර සෙබලානෝ, ධර්මසිරි බණ්‌ඩාරනායකගේ "ට්‍රොaජන් කාන්තාව" වැනි වේදිකා නාට්‍යවලත් මං රංගනයන් ඉදිරිපත් කළා.

"ඔබේ අලුත් නිර්මාණ ගැනත් සඳහන් කරන්න?

චන්ද්‍රරත්න මාපිටිගමගේ "කළුවර යාමය" වැඩ කටයුතු බොහෝ දුරට අවසන්. ඒ වගේම "කාලි" නමැති අහිංසක ගොළු කාන්තාවකගේ චරිතයක්‌ රැගත් ඉන්දියානු කලාත්මක චිත්‍රපටයකටත් මං සම්බන්ධ වුණා. ඒක මගේ පළමු ජාත්‍යන්තර චිත්‍රපටයයි. එය ඉන්දියානු කලාත්මක චිත්‍රපට සඳහා නියෝජනය වන්නක්‌. ලබන ජනවාරියේ සිට එය ඉන්දියාවේ තිරගත වීමට නියමිතයි.

ඔබේ පවුලේ තොරතුරුත් කියනවා නම්?

මගේ තාත්තා විශ්‍රම ගිය හමුදා නිලධාරියෙක්‌. මගේ මල්ලිත් යුධ හමුදා මේජර්වරයෙක්‌. නංගිත් කලාවට සම්බන්ධ වෙලා කටයුතු කරනවා. මගේ අක්‌කා ජාත්‍යන්තර පාසලක ගුරුවරියක්‌ හැටියට කටයුතු කරනවා. මගේ දුවත් මම අධ්‍යාපනය ලැබූ කොළඹ විශාඛා විද්‍යාලයේ ඉගෙනුම ලබනවා. සතුටින් ජීවිතය ගෙවනවා.

Monday, December 14, 2009

ඔව්. මට පෙම්වතෙක් ඉන්නවා. ඔහු වෘත්තියෙන් ව්‍යාපාරිකයෙක්-නදීෂා හේමමාලි

By: Last Man On: 4:57 AM

රසික හදවත් තුළ ආදරණීය මතක සටහන් රැසක් තැබූ ඇය සිනමා තිරයේත් පුංචි තිරයේත් සැබෑම දඟකාරියකි.

සුන්දරත්වය, රංගන හැකියාව, ආකර්ෂණීය ලාලිත්‍යයෙන් අද වන විට රසික හදවත් තුළ අසීමිත ආදරයක් ජනපි‍්‍රයත්වයක් දිනූ මේ වාසනාවන්ත තාරකාවිය නමින් නදීෂා හේමමාලිය. අද මා සමඟ කතා බහට එක්වන්නේ මේ සොඳුරු සිතැත්තියයි.

ඉතිං... නදීෂා මොනවද ඔයාගෙ අලුත්ම තොරතුරු?

මේ දවස්වල නං මම ටිකක් කාර්ය බහුලයි. අනුර මාධව ජයසේකරගේ “සොඳුරු පියාපත්” ටෙලිනාට්‍යයට රංගනයෙන් දායක වෙනවා.

යුද්ධය පසුබිම් කරගෙන නිර්මාණය වුණු ටෙලිනාට්‍යයක් මෙය. මේ ටෙලිනාට්‍යයේ ‘ටානියා’ කියන මරාගෙන මැරෙන කොටි කාන්තාවගේ චරිතය තමයි මම නිරූපණය කරන්නේ.

මෙතෙක් කාලෙකට මට රඟපාන්න ලැබුණු වෙනස් ම ආරක චරිතයක් . මොකද මීට කලින් මේ වගේ චරිතයක් මම රඟපාලා නැහැ.

මම හිතනවා මේ චරිතය මට වගේ ම ප්‍රේක්‍ෂකයින්ටත් අලුත්ම අත්දැකීමක් ගෙන එයි කියලා.

ඔබ නිවේදිකාවක් ලෙසත් ප්‍රේක්‍ෂකයින් අතර ජනපි‍්‍රයයි. මේ ගැනත් කතා කරමු ද?

ස්වර්ණවාහිනියේ ‘ටැලන්ට් ශ්‍රී ලංකා’ වැඩසටහන ඉදිරිපත් කරන්නේ මම. ඇත්තටම මේ වගේ වැඩසටහනක් ඉදිරිපත් කරන්න ලැබීම ගැන සතුටු වෙනවා.

මොකද ඊට සහභාගි වෙන තරගකරුවන් ඉදිරිපත් කරන දක්ෂතා සියැසින් සජීවීව මට දකින්න පුළුවන් වුණේ ජීවිතේ පළමු වතාවට. ඇත්තටම ඒ තරගකරුවන්ගේ දක්ෂතා දැකලා මම මවිතයට පත්වුණා.

නදීෂා, රංගන ශිල්පිනියක් විදිහට ඔබ පැමිණි ගමන් මඟ ගැන මොකද හිතෙන්නේ?

මම කලා ක්‍ෂේත්‍රයේ රංගන ශිල්පිනියක් විදිහට මේ දක්වා නැගී සිටියේ තනිවම. මගේ ජීවිතේ ගත යුතු හැම තීරණයක් ම මම ගත්තේ තනිවම. හැම අභියෝගෙකටම මුහුණ දුන්නේත් තනිවම.

මම ආපු ගමන් මඟ ගැන මට තියෙන්නේ ලොකු විශ්වාසයක්. ඒ වගේ ම මම හිතන්නේ මම ගත්තේ නිවැරැදි තීරණ කියලයි. මම කිසිම දේකින් පසුතැවෙන කෙනෙක් නෙවෙයි.

ඔබ මේ වෙනකොට ආදරවන්තියක් නේද?

ඔව්. මට පෙම්වතෙක් ඉන්නවා. ඔහු වෘත්තියෙන් ව්‍යාපාරිකයෙක්. මාව හොඳින් තේරුම් ගත්ත කෙනෙක්.

මගේ කලා කටයුතුවලටත් ව්‍යාපාරික කටයුතුවලටත් ඔහුගෙන් ලැබෙන සහයෝගය අගය කළ යුතුයි.

කිසිම වෙලාවකට ඔහු මගේ ජීවිතයට නීතිරීති දාන්න එන්නේ නැහැ. ඒ වගේම ඔහුගෙන් මගේ කලා කටයුතුවලට බාධාවක් ඇතිවෙන්නේ නැහැ. ඔහු හැම විටම මාව දිරිමත් කරන ආදරණීය පෙම්වතෙක්.

ඒ කියන්නේ ඔයාගෙ විවාහයත් ළඟදීම සිදුවේවි නේද?

විවාහය ගැන ඇත්තටම ලොකු බලාපොරොත්තුවක් තියෙනවා. ඒත් ඉතින් තාම කවදද විවාහ වෙන්නේ කියල තීරණය කරල නැහැ. මගේ විවාහයට තව ටික කාලයක් ගතවේවි.

නදීෂා ජීවිතේ වඩාත් ම සතුටු වුණු දවස මතකද?

රංගන ශිල්පිනියක් විදිහට මම කැමරාවක් ඉදිරියට ගිය පළමු දවස තමයි මගේ ජීවිතේ මම වඩාත්ම සතුටු වුණු දවස.

ඒ වගේම පොදුවේ ගත්තහම මම මගේ ජීවිතේ හැම දෙයක් ගැනම සතුටු වෙනවා. මගේ බලාපොරොත්තු අද වෙනකොට සෑහෙන්න ඉටුවෙලා තියෙනවා. ඒ ගැන මට තියෙන්නේ අසීමිත සතුටක්.

ඔබේ අනාගත බලාපොරොත්තු මොනවාද?

විවාහ වෙලා සාර්ථක පවුල් ජීවිතයක් ගත කරන්න බලාපොරොත්තු වෙනවා. ඒ වගේම මගේ ව්‍යාපාර කටයුතු දියුණු කරගන්න බලාපොරොත්තු වෙනවා. මගේ හිතේ හීනයක් තියෙනවා කවදා හෝ සැබෑ කර ගත යුතු.

ඒ තමයි කවදාහරි ලංකාවේ දක්ෂතම නිළිය බවට පත්වෙන එක. ඒ වගේම මගේ නම ජාත්‍යන්තර සිනමාව කරා ගෙන යාම. ඒ වෙනුවෙන් මම කැපවී කටයුතු කරනවා.